يا بنت من ينطح الكون !!!

[فهد الروقي]

[poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ناح الحمام بقرب ناس ٍ يصلـون = وجاوبت صوته في مقام الإمامـة


استغفر الله فارج ٍ كـرب ذانـون = مومن واعرف الحق والاستقامـه


لكن سبب مابي سهم لحض مزيون = مزع معاليق الحشى ريم رامــه


بهداب عينه شفت أنا الموت مقرون = وزرقني برمشه وسلت حسامــه


واقفى وأنا واقف وعرض لي متون = ولا لد في ولا هقيت السلامـــه


أجرم بحالي ياهل العرف تكفــون = من ينصحه عن هول يوم القيامــه


لا يذبح المسلم بلا ذنب وشلـــون = أحل دمي ما حسب للملامـــــه


يا ما نصحت القلب وبليس ملعـون = وليت ياقلب الشقى مـع حمامــه


اشقيتني يـا قلب واصبحت مفـتون = وعانقت فرخ الراعبي في هيامــه


ترد صوته وأنت بالسيف مطعــون = سيف المليح اللي رفيع ٍمقامــــه


قدمت له قلبي على الكف بالهــون = وقلت : أقبله مني هدية كرامـــه


قال : ابتعد عني ترا القلب مشطون = ولا ظنتي مثلك يقل احترامـــه


أنت بمكان أخوي ولا يمكن أخـون = حب الوليف اللي بقلبي خيامـــه


قلت : العفو يا بنت من ينطح الكون = أنا من رجال الوفاوالشهامــــه


اطلب من الله يجعل أيامك فنــون = ودنيا الفرح تهديك عرش الزعامـه


ويالله ترحم حال من حب بجنــون = صابه لطيف الروح زاهي وشامـه


وصلاة ربي عد ما رشت امـزون = على النبي واعداد ما امطر غمامـه[/poem]