عنوانكم ماهوب ياهـو وهوتميـل

[تركي السواط]

السلام عليكم ورحمة الله وبركاته
[poem=font="Simplified Arabic,4,white,normal,normal" bkcolor="black" bkimage="" border="double,9,black" type=1 line=0 align=center use=ex num="1,white"]

فيروس هجرك عطل القلب تعطيل=ودمر ملفات الفـرح فـي حياتـي
ياللي سكنت القلب من دون تحميل=متـى لموقعنـا تشـرف وتـأتـي
عنوانكم ماهوب ياهـو وهوتميـل=عنوانكم روحي و قلبـي و ذاتـي
كم مرةٍ أرسلت لك عبـر الإيميـل=وأدورك فـي منتدايـه و شـاتـي
وأرسلت لك قصة عذابي مع الريل=ياللي غيابك هـو سبايـب شقاتـي
دايم عليك أبحث بياهو و جوجيـل=وأنـت ولا تسـأل علينـا بتاتـي
خابرك بانتيوم فور أصلي و إنتيـل=لكن خسـارة غيـروك الوشاتـي
وكان الهكر غروك بالقال والقيـل=بأدعي عليهم في سجودي وصلاتي
ياجعلهـم بقعـاء وطيـرٍ أبابيـل=ترمي عليهم بأمر ربـي حصاتـي
يرضيك من حبك غدى منهك الحيل=ريقي غدى ناشف ويبست شفاتـي
صحراي جفـت مالفانـا مخاييـل=وأنت المزون اللي تـروّي نباتـي
وياشين حالي لا قريت المراسيـل=في الأوتلوك أذكر قصص ماضياتي
منك حزين الحرف شاف البهاذيـل=وقلبك مثل قرصٍ صلب في القساتي
موقعك في وجهـي مقفـل بتقفيـل=حتى البروكسي مانفع وش سواتـي
بمفضلة قلبـي عطينـاك تفضيـل=أنت المفضل عندنـا يـا غناتـي
ويا زين هجرك عطل القلب تعطيل=ومن غير شوفك وش تساوي حياتي
كني بدونك قرص فـارغ ولا فيـل=فاسد ومرمـي بسلـة المهملاتـي
ماعدت أفرق بين اكسس و أكسيـل=وماعدت أفرق بين بالتوك وشاتـي
وبأشكي على الكيبورد كثر الغرابيل=وأكتب على الوورد المطور وصاتي
وهذي النهاية حطها وسط تظليـل=لا مت فغيابك هو سبايـب مماتـي[/poem]


تحياتيـ:؛ لكمـ:؛