اول مشاركه يا بني العم (قصيدة شينيه)

[**راعي الملحا**]

[poet font="Simplified Arabic,4,black,normal,normal" bkcolor="transparent" bkimage="backgrounds/6.gif" border="none,4,gray" type=0 line=200% align=center use=ex length=0 char="" num="0,black" filter=""]


القلب شب وشيب القلب وهو شاب=ثم شب في قلبي شبيايب شبوبه
شبايبٍ شبت سبب شب شباب=تلاهبت وانهت نهايت دروبه
شبت وطشت داخل الجوف الانشاب=واستشنعت في شبها بالنشوبه
وتواشعت لين اشتوت كل الاعصاب=تشوي شوي وشوي تشوي جنوبه
وتشبعت ثم شحنت كل الاشعاب=تشوي شواه وثم تشرب شروبه
مارتحت حتى رحت لمداوي الاطباب=حزت طلوع النور يادوب دوبه
وشرحت له شرحٍ جريحٍ ومنصاب=قلب الشقا الي بايناتٍ ضروبه
يفحص ويخرص ماخرص خرص كذاب=فرق وبرق وافترق في سلوبه
قال النتايج طالعه مالها اسباب=لو اعرف دوا علتك رحت صوبه
لكنك اخذ العلم مانيب نصاب=ماتقولي من جاب لك هالعقوبه
انته مريضٍ بالهوى مالك حساب=عند الدكاتر ياولد مانظروبه
والي رماك بنظرته والرمي صاب=مسبب العله وذي من ذنوبه
دور على صاحبك مع كل الاجناب=اما شمال الدار ولا جنوبه
ثم جالها مابين الاضلاع ملهاب=توي ذكرت السالفه ومحسوبه
ذكرت لي خلٍ ومن بد الاصحاب=اعجبني بزينه بكل العجوبه
اركت على كبدي ثمانين مشهاب=خلت معاليق الضمير معطوبه
واصبحت مثل الي برجله وطا الداب=صلٍ على جحره ينفخ ذروبه
سمٍ يسم الحال من عطب الانياب=يم الدكاتر حين ماجا لقوبه
ابو جديلٍ حده الردف لنساب=في عرضها كل الملا ماهرجوبه
وخدٍ يسد عن القمر كانهو غاب=غروٍ عن الدرب الردي محجوبه
والزول عود الموز من بين الاعشاب=في جال وادي نسنسنبه هبوبه
ونهود مثل التين من بين الاعناب=مطلع وزهر به روايع عشوبه
في بيتها محشومتٍ ماجت الباب=ماتطلبه من داخل السوق جوبه
ولا علموها لبست الجنز والكاب=ولاهي من الي بالغنادير عوبه
شكوا شكيت ابها لعكفان الاشناب=من شاكيٍ شق بالشواكيش ثوبه
عاشق عشق عشقه حشا ماله اقراب=يعنش بشوفه كم مرضا شفوبه
شبت بشبابي وشفت شيبي وانا شاب=ومنشا العواذل نعنبو من لهوبه
غاير ابا الغرات بوغمت غراب=همه على النمه وعن ما حكوبه
على شنق يمشي ومشيه به اعجاب=مشي الدلاعه والمياعه ضروبه
عاذل ومنتذل لبن ذيب وذياب=مفرق الخلان مسرع هروبه
نعيش ونطنش قليلين الآداب=طنش تعش واحذر تماشي المشوبه
دنيا الشقا اشقتني شقاها بالأرهاب=ومشقيٍ بالحب مع من شقوبه
ومن كان اسير الحب مافيه مجناب=مشنوق شنقٍ في شناكير طوبه
ومشبوكٍ بشبكٍ شبك في حباب=وشبيهه الحشاش معه مسكوبه
هم شركا كلٍ شكا بالفشل خاب=والكل منهم بالقصاص حكموبه
ياشد حالي شد مشدود الاطناب=وياهش روحي هش عشبٍ ثعوبه
وياحش جاشي حش عمدان الأخشاب=وحشت حشيشٍ بالمحش ابتدوبه
والعشق ماشٍ به شبابٍ وشياب=ياكود ثورٍ كابراتٍ عصوبه
كم من هواويٍ عن الحب ما تاب=درب الهوى هاويه ماقال توبه
ياما يلاما فلملا كم من احباب=حتى الحبيب الي يحب محبوبه
قلته وهي الها على القلب مضراب=والنفس بأمر الحب دوم مغلوبه
شاعر شعر شعره ويشعر بلا تعاب=مشاعره تشهر بشعر الصعوبه
تلجلجت بجمجمت جايدٍ جاب=جاب الجزل جابه بليا عيوبه
ومسجوعٍ بسجعٍ هجس فيه هنداب=متوج بتتويج تاج العروبه
وتمت قصيدت من با لأشعار لعاب=يجيب جزلاته ليا جاء وجوبه[/SIZE]
[/poet]