(( وجبه وفنجااااااال ))

[الأديب]

ياكثر اللي توجدو . وانا واحد منهم واتمنى ان اكون بتوجدي مثل الأفضل منهم والذين اجادو التوجد على احبابهم .



[poem=font="Simplified Arabic,5,black,bold,normal" bkcolor="transparent" bkimage="" border="double,6,gray" type=0 line=1 align=center use=ex num="0,black"]
انا اللي ما هنالـي بعدهـا وجبـه ولافنجـال= ولا غير عليه صحبـة ألا دنـى والاقصينـي
ولاعندي سبـب للرجـل بالاقفـاي والاقبـال=ونيران المفـارق تشتعـل بأقصى شرايينـي
ولا صبري يفيد وصلها بعـد الفـراق محـال=ألا يالله قسمـة خيـر مـدري وش يسلينـي
يمر الوقـت ماكنـه يمـر وزادنـي غربـال=وحيد حايـرٍ بامـري وقلّـت حيلـة ايدينـي
ولا لي حيله إلا دفتري وأبـدع مـن الامثـال=علـى مركـاي ولا راقيـا روس الظلاعينـي
أهيم أحيان وأحيان انتظر وأقول جعـل الحـال=يغيـره الـذي يخـرج مـن الأموات حيينـي
لعـل الله يجمعنـا ولـو إن المفـارق طـال=وضني من بعد فرقـاي للمحبـوب مشقينـي
شمت بي من لقاالفرصه بعد ماشاف حملي مال=وأنا اللي ماعطي الفرصه ولا سـري معادينـي
اخفي مايجــول بخاطـري واللي علي انهال =من همـومٍ عن المعقـول والواقـع تجلينـي
ألا واوجـد حالي وجد من حط بيـداه اغـلال = وكبل بنفرادي مايحـط مـع المسـاجينــي
قعـد فـي ذمة التحقيـق حتى قطعت الامـال = يقول من القصـايد يوم صـار من المولينـي
يقـول ابيات شعـرفـي معانيـها تهد جبـال = وينصح عينه تخفي الدمـوع عـن الحقوديني
ألا ياعين كفـي لو سمحتـي دمعـك الهمـال= ترى بعد الدمـوع يصير دمعك دم ياعينـي
وترى ماقيل رد اللـي مقـدر دمعـة الرجـال= ولا فـك القيـود بكـاك لو تبكيـن عامينـي
هذا اللي سامعه واللي حفظته من بعض ما قال= قبل حكم القصـاص يصـدرونه يوم الاثنينـي
على اللـي خدها يبهر شعاعه لو ستره الشال= مقر( ن ) للحـيا والحسـن مقرونة حجا جيني

تميز عن سواها بالجمـال وعـودها الميـال= معنيهـا التــرف وانا عليهـا اللـه معنينـي
لو ان العقل ينصح بالحماقه كان صار اوصال= لكــن العقـل بـدروب الحمـاقه مايمشينـي
ترى مافيه عاقل يا جماعـه مستريـح البـال=ولاضنـي مريـحٍ بالحـيـاة إلا المجانيـنـي[/poem]


اتمنى ان تعجب الجميع .

حامد العتيبي