حبيتها وان كنت ؟؟؟؟؟؟؟؟؟؟؟؟؟؟

[الذويبي العتيبي]

من تخاريفي
حبيتها وان ؟؟؟؟؟؟؟؟؟؟


[poem=font="Simplified Arabic,6,darkblue,normal,normal" bkcolor="transparent" bkimage="" border="outset,4,gray" type=2 line=0 align=center use=ex num="0,black"]
عز الله ان النوم ماعـاد الـي طـاب=والنفس لاقـت بالزمـن مـن فتنهـا
اعيش فـي دنيـا بهـا الهـم غـلاب=وهنيت نفـس سافـرت فـي كفنهـا
في كل يوم ارقى على راس مرقـاب=رجـال روحـه للمعالـي رهنـهـا
واكتب حروف الشعر سهلات واصعاب=واضمن مثل من حاجته قـد ضمنهـا
مافيه شيء إيجي وهو مالـه اسبـاب=والمخطيـه لابــد يـدفـع ثمنـهـا
وانا خطاي اللي على القلـب شبـاب=حبيتهـا وان كنـت معـرف وطنهـا
لاواعذاب اللي يبـي يعشـق احبـاب=عينـه تحـارب نومتـه مـن جفنهـا
إليا حكـى يهتـز خايـف ومرتـاب=واليا سكـت كبـده غرامـه طحنهـا
والقلب مما صـار فـي مهجتـه ذاب=وزناتـه اللـي سابـقـه مايزنـهـا
ماله صديق إيقول ياعـز الاصحـاب=يشكـي لـه اجـروح عميقـه دفنهـا
تلقا صديقه ضلع واسهول واهضـاب=وعينه تهـل ادموعهـا مـن حزنهـا
واليا ضـوى بالبيـت شغلـه تقـلاب=ويعوي عوى ذيـب(ن) تعـلا قننهـا
ويزفر زفير اللي تقطع لـه اعصـاب=والرجل تلعـب كيـف ترفـع بدنهـا
لاوهني ارض بهـا صاحبـي غـاب=ولاواهنـي دار بـروحـه سكنـهـا
ياعل من رب السمـا غـزر سحـاب=يسقـي ديـار سيـدي مـر منـهـا[/poem]

اخوكم ابو مازن رداد الذويبي العتيبي