فيك الغزل تنطق حروفــه رتيبــه***تنسـاب فـوق الطرس من غير لماس

[ولد غابي]

أبيات متواضعه أرجوا أن تنال إعجابكم وأسمحولي على التقصير

*********

[poem=font="Traditional Arabic,6,white,bold,normal" bkcolor="transparent" bkimage="backgrounds/28.gif" border="outset,10,skyblue" type=2 line=0 align=center use=ex num="0,black"]
أنا غريبٍ في ديارٍ غريبــــــه=لحدن يكلـمني ولا اكلـم النـاس
أشوف ناسٍ تلتـوي بالصـحيبــه=وأنا عزيـز ومعـلٍ النفـس والراس
لو لاماني بعض العرب قلت هيبـــه=وأخاف رب البيت ماحب الأدنـاس
وأرجي نهارٍ فيــه أعوّد لطيبـــه=وأزور بيت الله وأطـوف بإحسـاس
عهدٍ قطعته ماأقرب أهل الزريبـــه=لو كان ردفه يشـدي لناب الأطعاس
ولو كان خده مثل صافي حليبـــه=ماشاقني ياحسين معســول الألعاس
شفي على اللي ريحته مسك طيبــه=مع ريح عودٍ خالطـه طيب الأنفاس
هو منوتي ياحسين قلبي اصحيبـــه=غاية مرادي جوهـرة درّ والـماس
مالك فؤادي طوع ماهي غصيبــه=مجمول فيه الشــعر يزدان بقيـاس
لو أسطر الأبيات لأحلى حبيبـــه=ماأوفيتها لاربـع لالا ولا أخـماس
تسـتاهل الأشعار هــاك العريبـه=وأكتب لها من خافقي بوح الإحساس
يازين ليت الـدار مني قريبــــه= وآصـلك وأسمع للسوالف والأوناس
وأسـج أنـا ويـاك ننظر مغيبــه= بـدرٍ تجلـى في سمـانا بـالأرماس
نتذكر الماضي ونذكــر عجيبــه= أيام ماكنـا على الرجــم جلاس
ياملهمي بالشعر ياذي الرهيبـــه =ياقـائد الغـزلان ياعـين قـرناس
فيك الغزل تنطق حروفــه رتيبــه=تنسـاب فـوق الطرس من غير لماس


سفر بن مشعان – الصين في يوم الأحد الموافق 30/7/1426هـ[/poem]