هاذي مشاعر ولد مشعان وأذواقــه**هذا خواطـر غريب الدار بن غــابي

[ولد غابي]

أخر جديدي هذا الأبيات من الصين الشعبيه آمل أن تحوز على إعجابكم وأستحسانكم
********

[poem=font="Traditional Arabic,6,white,bold,normal" bkcolor="transparent" bkimage="backgrounds/28.gif" border="none,4,gray" type=0 line=0 align=center use=ex num="0,black"]
ياحسين طال السفر والنفس مشتاقـه= وأشـتاقت العين والله شوف الأحبـابي
شوقٍ بزودٍ لشوف الزين وأصـداقـه= ماهوب شوف العفـن في دار الأغـرابي
والقلب إله حد وزود الحد ماطاقــه=طال المـدى والبطى يطعن بالأجنـابي
يطعني الشوق ونار الوجد حراقـــه=مايونس إحراقـها ياكـود منصـابي
وأنا صويب العيون السود وأمواقــه=وأيضا صويب الخدود وطول الأهـدابي
خلٍ سحرني معاه الروح رقراقـــه=لو كنت قاسـي عليه تلين الأعصـابي
أبو جديل أشقرن مِشّط على أعتاقـه= يازين لمســه لاقــام إليه تحفـوابي
ويوم أتذكر سواليفه مع أشـواقــه=وأذكر أضحوكه يحزّ القلب شــذابي
يلعنك يالبعد ألا مشينك يافراقـــه=تثـّر على القلب مخطـورٍ بالأعطـابي
ياحسين روحي لدار الزين منسـاقـه= سوقت سوانن تـتـل الغـرب جِذابي
دايم على يمت الغــربي وغساقــه=عيني نظـرها يسـابقـها للأصحـابي
وليا أسفر الصبح وزار القلب بإشراقه=حسّيت بأنفاس خلّي وأنفتح بابـــي
ون ذعذعت نسمةٍ من غرب برقاقـه= عرّضتها ناحري وأنشق هوا أحبــابي
ريحة هلي كالزهر شكله وروناقــه=وأزكي منـه لو تقـول الناس كـذابي
هاذي مشاعر ولد مشعان وأذواقــه= هاذي خواطـر غريب الدار بن غــابي
سجلتها تذكره للزين بأوراقــــه=تذكار في صاحبي محفوظ بكتـــابي

سفر بن مشعان – الصين الشعبيه
الأحد الموافق 30/7/1426هـ[/poem]