غلطـة العــاقـل

[التركي]

[align=center](( غلطـة العــاقـل ))

يانديبي فوق من لونـس لهيـب الصالـي ****سرعته سرعة قذايـف مدفعـن روسيـه
وارد اليابان جيب مـن الموديـل التالـي ****ماتـمـده يـاعـرب هـاذيـه لهـاذيـه
كن شكله مع جراهيـد الحمـاد الخالـي ****شبه وضحـاً ربعـت فالديـره الحدريـه
ولانطحك وشفت صدامـه مـع التمثالـي ****كنها شمست بشوت شيـوخ فـي جاهيـه
ولاعقبني فيـه توصيفـن يـدور ببالـي ****ردف ليلـى علـوي الفنانـه المصريـه
ابيضاً غرنوق من كـل الشوايـب خالـي ****مير عذروبه وعيبه فـي امهـات الميـه
لادعست اسليتـره كـن الهـوى يبرالـي ****ويـوم ادقـق كنـه يقـول الله الله فـيـه
ولاكبست النور من نوراً قصيـر لعالـي ****بـرق سحبـاً ماطلـع فالنشـره الجويـه
ورده عبداللطيـف منـافـس الجفـالـي ****مير عجزت لاتحوشـه فالزمـان ايديـه
لاركبته وانـت مستانـس وبالـك سالـي ****ماتغبـط الراجحـي فاعمالـه الخيـريـه
ولامشـا مـع عثعثـاً ماطقـه الهمالـي ****التوايـر كنـه تمشـي عـلـى زولـيـه
والمراتب كنهـا جلسـة وزيـراً حالـي ****خص لاصار الوزيـر بجلستـن رسميـه
داخليـه بيـج والديكـور فيـه يحـالـي ****لون كشناتـه مـع الطبلـون والارضيـه
لاشتغـل فـزة امباراتـه معـك طوالـي ****فزة اللـي واطيـاً بالرجـل راس الحيـه
ولامشا ثـم قـام يطـوي نايـد الاميالـي ****طية رشا دلو بيـرن فـي يديـن ارعيـه
غالي القيمـه منصيـه الرفيـق الغالـي ****وغير ناصر لابغيته رحـت لـه رجليـه
صاحبي وهو خيرة اصحابي وراس المالي ****نسل من تشفي ضميرك في نهـار الهيـه
ربعتاً يومـن للمـاص الحمـر زلزالـي ****فـي نهـار مـاش لارحمـه ولاماويـه
تشهـد الافعـال لاستشهـدت بالافعالـي ****نارهـم حيـه ورث النـار نـاراً حيـه
بلغه منـي سـلام وخبـره عـن حالـي ****وقلـه انـي يانديبـي ناويـن لـي نيـه
ودام مالـك يافلسطيـن الجريحـه والـي ****لاترجيـن الفـرج يالضـفـه الغربـيـه
حستاً حست على قلبي وانا ادنـى مالـي ****ميـر ياناصـر نبـا العانـيـه العانـيـه
بعد صار الشعر مايشـرا بربـع ريالـي ****كنـه أوضـاع الـدول بالفتـره الحاليـه
شفت ابن قضعان ينقـد مرشـد البذالـي ****سـيـةً ماتنتكـفـر نعنبـوهـا سـيــه
غلطة العاقـل بعشـر وغلطـة الجهالـي ****غلطةً لو هـي كبيـره ماعتبرهـا شيـه
بعد صار المر طعمه مثل طعـم الحالـي ****اقمحي ثـم اقمحـي يالساحـه الشعبيـه
وضعنا مزري وبعض الهـرج ماينقالـي ****والمجامل صار موضة وقتنـا العصريـه
بعد شعاراُ ياناصـر مضـرب الامثالـي ****كيف ابا استبدل سيـوف الهنـد بالجنبيـه
الله اكبـر يازمـانٍ تبـحـث الرجـالـي ****باحثٍ خاف العرب وانـا بحـث خافيـه
كثرت انواع القصيد وكثـرت الازوالـي ****شلةٍ صاروا علـى اتلـى وقتنـا هلاليـه
كل واحد سبحته تومـي وعقلـه خالـي ****لين عفـت المسبحـه والشعـر والقافيـه
ضيق الشعر وغدا ولـد الحـلال هلالـي ****ضيق الله في نحـره الكـوره الارضيـه


.. الشــــاعر ..

& .. مــرزوق الصويفـي الثبيتـي .. &[/align]