ياضيقةٍ بالصـدر طالبـك تكفيـن

[ملاك]

[align=center]السلام عليكم ورحمة الله وبركاته

ياضيقةٍ بالصـدر طالبـك تكفيـن = عني تخلـي وابعـدي واتركينـي

روحي تري بالصدر مثل السكاكين = زودٍ على همٍ....... قديمٍ دفينـي

تكفين حسي اليا ذرفت دمعي العين = حسّي بعبراتي وحسّـي بونينـي

صرنا انا واياك بصدري خشيرين = وصارت علاقة ود بينـك وبينـي

جسمي نحل ارجوك مافيني يكفين = خليني احيا ما بقى مـن سنينـي

الشعر يكتب في غرااام المحبيـن = وانا اكتبه لاجلك عسى تعتقينـي

وياصدري الصابر الا يامسيّكيـن = اصبر ترى للصبر حـدٍ وحينـي

يزول همي وابقى وايـاك حييـن = والا نموت ويقضي الهـمّ فينـي

وترتاح مني ضيقةٍ بي لها سنيـن = وتبقى لنا ذكـرى كتابـة يدينـي

وان متت انا ياضيقتي لا تموتيـن = بقي على مر السنيـن اذكرينـي

الوقت يشهد والليالي هي العيـن = اللي تشوف شلون قسوتك فينـي[/align]