ظلم البنيه مايجوز ؟؟؟؟؟؟؟؟؟

[الذويبي العتيبي]

[align=center][frame="8 80"]ظــلم البنيه مايجوز!!!!!!!!
________________________________________
عسى ان تنول رضاكم (طيش شباب ) مغناه على العود ثلاثية الابيات
مع فرز ارابع لها اداء مميز باللحن

ظلم البنيه مايجوز
ياهل الهدا واهـل الشـفا ** كفا ماجاني قد كفا **قلبي مع النسمه خفا
ياليتهم لي يرحمون
جابتني الصدفه وجيت **عن كل خافي مادريت ** اخذت ساعه واهتنيت
فالجو ميال الغصون
ولقـيت مـنـظر شـدني ** راكب بموتر حدني ** وفـك الزجاج ومدني
يقول هذا التيلفون
انا فـزعـت من الولـع ** من نظرت فيها الدلع ** والقلب جره وانخلع
إش لون فيه يطمعون
ناظرت فيهم معـتـني ** اللي سبق ماسدني ** قلت اصبروا ابا اهتني
من شوفكم لو تسمحون
ابا اشرح إلكم قصتي ** انتم خذيتوا مهجتي ** اما آنسوا لي وحدتي
والا لذنبي تكسبون
انا مـولع من سـنـيـن **عشقي على وجهي يبين **والله ماطيع العاذلين
الا انكم لي تهجرون
من صغرسني فالغرام ** مسكين ذابحني الهيام ** ماهو سميره او رهام
اللي لقلبي يفتنون
انا فـتـن قـلبـي زهـور ** نشت على ماي طهور ** فالحب والله ماتبور
للعهد تحفظ ماتخون
من شفتها قلبي جريح ** امشي مع العالم وصيح **ماعاد بي عقل صحيح
يامحتوي كل الفنون
الاصل طيـب والـنـبا ** فيها جميع اللي نبا ** في مشـيـها مـثل الضــبا
تقتل بنظرات العيون
فـيـهـا مـعـالم للـدلال ** من شافها للحسن مال **تطرح متاقين الرجال
اللي سواتي يعشقون
فيها العفاف الطاهره ** للبيض والله قاهره ** تسوى بنات القـاهـــره
وال ياعساها ماتهون
قالت بعد شاعر تقول ** هرجك يشوش بالعقول ** بالشرع ياشاعر تنول
حذرى تسيء إبنا الضنون
قـلـت ابـشـري ياغــاليه ** مادام نـفـســك عـاليه ** ماعاد نفسي ساليه
حتى امامي تضحكون
قـمـت اتـصـل في اهــلها ** وانا الدمــوع اهــلها * ما جاوب الا كهلها
قال ابتعد عندي زبون
قلت النسب ماهوغصيب** الرب مايقطع نصيب** وانا ترى ماني غريب
واعطيكم اللي تطلبون
قال انتبه قبل اشـتكيـك ** المهر جاني وسط شيك ** فوق الميه لا نبتليك
ونرميك في قلب السجون
وعذرت منها وانتهيت ** وبعد على الفرقا حديت ** ياكم على حظي بكيت
وادعي عساهم يهتنون
ظــلـــم البـنـيه مايجـوز ** لو كان للدنيا تحــوز * ياللي تــبي تجمع كنوز
إلى متى انتم تجهلون
الشــرع ما يجبر بشر ** إش لون قلبك كالحجر ** كم واحد بنته خسـر
بكى وتطويه الحزون
ياهل البنات الطيبين ** الشور خير من الثمين ** باكر يحاسبك الثنين
إن كان ماقلبك حنون
البنت تشكي همها ** وسم دخل في دمها **تعـطـي الســريره لامها
وتدعي لمولاها المنون
تدعيه في سر وخفا ** واتقول انا ابويه جفا ** قـلـبه عــليه ماصفا
ياليتهم لي يدفنون
فكر بعقلك يالغشيم ** والعقل بالجسم السليم ** لاجاك رجال حـكــيم
لاتجبره ياخذ ديون
وعندي وصيه للشباب ** من يجتهد يلقا الثواب **ويلبس من اجداد الثياب
لن كان هم لي يفطنون
الرجل لازم له طموح ** بيديه للعليا يلوح ** مايجـمـد الا كـل لوح
له الخلايق يشــمتون

معليش اسمحولي طولتها شوي

اخوكم ابومازن[/frame][/align]