تــــــربـــــــــــة الــــــــــــذّات

[حسين الهوران]

[poem=font="Arial,6,black,bold,normal" bkcolor="transparent" bkimage="" border="solid,10,black" type=2 line=1 align=center use=ex num="0,black"]



لله فـي خلْقـه شئـونٍ وآيـات=وللنّاس باللي يعْشقونـه مذاهـب

للعزْ,ماريّه,وللفـقْـر لـــذّات=وطبْعاً,ترى العاههْ هي أمْ المواهب

دنْيـاك ميدانك,وللخيـل كبْـوات=وللعمْر ترْنيمـه والأيّـام ناهـب

للطّيب أوْقاتـه وللحـظْ وقْفـات=والصّدْر صندوقٍ بعيـد الغياهـب

للحزْن تأْثيره إلْياصـار بسْكـات=للجمْر تسْميده ولو كـان لاهـب

طبْع الوفا,بذْره وسط ترْبة الـذّات=تثْمر سنابلْها وتضْـوي مشاهـب

للصّوت حنّيه على كثْر الأصْـوات=صوت الغوالي يحنْ ويردْ ذاهـب

السّتْر ذا نعْمه,وللضّيق فرْجـات=والفُلْك دوراته,عصوف الهباهـب

والوقْت به فرْحه وغدْرٍ ولوعـات=ومن مات ماسرّه كنوز المزاهـب

العلْم من حكْمة تجارب وغلْطـات=تضيع لوعشْت العمر تقْل راهـب

والله يعْطي بعْض خلْقه كرامـات=له حكْمته مولاي هوخير واهـب

إن ضاق صدْرك للشّفا,رتّل آيـات=قرْآن ربّك فيه تفْضـى المذاهـب

[/poem]