ياسعود بن حلمي...خلك سياسي..!

[محمد بن دغيم السميري]

شرفني إخوي سعود حلمي..

بقصيده على هذا الرابط..

إضغط هنا لاعدمتك..


[align=center] وهذامردي على الشاعر سعود بن حلمي[/align]

[poem=font="Simplified Arabic,5,black,bold,normal" bkcolor="transparent" bkimage="../backgrounds/14.gif" border="double,10,red" type=2 line=0 align=center use=ex num="0,black"]
الليل ياسعود بن حلمي لوتطاولته تراه=لابد من صبحٍ يزيله عنك والدنيا تدور
وليا عصاك الوقت منته بالوحيد اللي عصاه=خلك سياسي يالسنافي وانت فاهم فالامور
اخذ الامور مسايسه والامل لاتقضي علاه=خل الامل مثل السفينه واعبر الغبّه عبور
واللي شبك قلبه هواك إحذر تفرط في هواه=اهل الولع مايشبكون ألاّ الخيار من الصقور
واللي يمد إيديه لك وشلون ماتنسى خطاه=لاتتركه يقعد كذا بين الحنادي والنصور
اخذ بخاطر من رجع لك واترك إسلوبك هذاه=العنجهيّه ماتناسب وضع مرهفة الشعور
مافات مات ولاتعاين له ولاتطرد وراه=حط المسامح لك هدف والله مع العبد الصبور
وانته تعلّم ماتعلّم وانت عرفك مستواه=اكبر من اللي ينصحك وقصور ماحولك إقصور
شاعر وتلعب لك بطاروقٍ يشوّقني غناه=قافٍ على مايهتويه القلب وافي وإمحكور
وشلعت قلبي وانت ماتدري عن اللي قد شعاه=ذكرتني عصرٍ مضى ماشيف مثله فالعصور
يوم أنغرس حب الحبيبه مثل ماتغرس نواه=وكبر بقلبي حبّها يسعود طوراً بعد طور
الله يعاقب حبّها والله ينسى من نساه=والله يغربل يافتى الجود الحظوظ اللي تبور[/poem]

[align=center]محمد بن دغيم السميري [/align]