أنا عن الأنذال بشتي طويته

[ولد غابي]

[poem=font="Traditional Arabic,6,black,bold,normal" bkcolor="transparent" bkimage="backgrounds/6.gif" border="ridge,8,gray" type=2 line=0 align=center use=ex num="0,black"]
في يوم من الأيام حزت عصريه أحترت أنا من أسير عليه
،، وفجأه مادريت الا وأنا أهوبل بهالأبيات..

*****

وين الرفيق اللي يعين الرفيقي=اللي ليامنك نصيته لقيته
رجلٍ ايفرج كربتك وقت ضيقي=يبذلك المجهود لامن نخيته
واليا حداك الوقت نعم الصديقي=مادوّر الأعذار ماصك بيته
حلو(ن) نباه وكل هرجه حقيقي=مالفق المنطوق يكفيك صيته
مذكور بين الناس علمٍ وثيقي=يرحمك ياعودٍ لهذي ربيته
ياعنك دليته على أطيب طريقي=وأنشهد إنك بالمكارم غذيته
وبحر الكرم بحر غزيرٍ عميقي=تسبح به الأجواد ومعهم قويته
وأنشهد إن اللاش خيطه رقيقي=وأنا عن الأنذال بشتي طويته
وعدّ المكارم فيه عيني تويقي=أشرب نقاه ومنه دلوي مليته
أسقي عزيز النفس مايبس ريقي=وأمشي معه والعزّ دربٍ مشيته
وأهل الكرم فيهم كلامي يليقي=ويزين بدع القاف والهم بنيته
أصخر القيفان ماهن عتيقي=ثمرٍ جديد ومن ضميري سقيته
ولانيب للأنذال والله عشيقي= عنهم يموج الرمح لامن رميته
ولرفقة الضرغام والله شفيقي=اللي ليامن ضاق صدري نصيته
الفي عليه بكل وقتٍ رفيقي=قرمٍ يرحب لادعاني وجيته
ماهوب خطو اللاش راع النغيقي=اللي تعاف اهروجه اليا لفيته
ثرثار ياعله بنار الحريقي=ولمجلس الأحرار ماقـد دعيته

*****

سفر بن مشعان الغبيوي[/poem]