جودي علي ؟؟؟؟؟؟؟؟؟؟؟؟؟؟؟؟؟؟

[الذويبي العتيبي]

[align=center]احبتي الكرام تحيه معطره بالورد

اتمنى ان لا اكون ازعجتكم بالمشاركات

واعذروني اذا به اخطاء وكذلك التنسيق لم يتم

من اللوحهعلى الوجه المطلوب

وفقكم الله[/align]



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
جـودي عـلي وسـلـمي وارحـميني=تـكـفـيــني الـنــظره من العـين للعــين

مرضى الفراق ارجوك لاتحرميني=ليــْه الـتـغــلي يـوم عــني تـصــــدين

إلا إذا انــتـي راضــيـه تـقـتـلـيــني=قـولي ابـي مـوتــك وانا اقول تكـفـيـن

تـجـمـلـي لـو يـوم ساعــه تجــيـني=تـرى الـغــلا زهــرة حــيات المحبين

إن كنت مخـطي فالخـطا حاســبـيـني=اخذي معي واعطي ونلقى الخطا وين

تـذكـريْ الـماضي عـسـى تــذكـــريني=عـودي لماضي بـس لوكان شـهــرين

تـلـقـيــن كم مـدت وفــا لك يـمـيــني=ياجـاحـــده وانـتــي عــن الود تدرين

صدق وفــاء كـم تـم بـيـنـك وبـيـنـي=بـذل وعــطـا قــدام عـــنـي تـخــلـين

إشـلون تـنـسـي ماضـيات السـنـيني=إش صـار إلـك حـتـى عـــلـيه تغـلين

بعـد عـرفتي وايـش لك من حنيني=في قـلب عـاشــق تـشـتعل فيه نارين

عـودي انا اســتناك لاتجـرحــيني=ابا انـتـظـر للـوصـل بـحــدود يـومين

وان ماتـعـودي لـي كـفـا ودّعـيــني=عـيـشـي مــع الــلي فــيه عـني تسلين

لاتـحـسـبـيـنـك بالهـجــر تـذبـحيني=رايح اعـيــش اسـتـبدل الشين بالزين

غـيـرك يـجـيــني مـن ابــيه ويـبني=يرزقــني اللــي لــه صـلاة المصلين

وانـتــي بـعـد مده تـبي تـرتـجـيـني=واقـول يـكـفـي نـظـــرة العـين للعين[/poem]


[align=center]كلمات ابو مازن رداد الذويبي العتيبي[/align]