القصائد المشاركه في المسابقه هناااااااااااااااااا

[سعود حلمي]

ياقبر خبّرني عن امّي بعـد صـار
لغيابهـا عنّـي إسنيـنٍ طويـلـه
من بعد اخذها الموت منّي والاقـدار
راحت وانامافـيّ يـديّ أيّ حيلـه
وانا بعد رحيلهـا اعيـش محتـار
وروحي من الفرقى المريره عليلـه
فقـدت شوفتهـا وتقبيلهـا الحـار
وصدرٍ حنـون يضمّنـي والتجيلـه
ودّي بشوفتها وكنّـي علـى نـار
وادرِ انّي اطلب حاجـةٍ مستحيلـه
كانت معي لكن قبل سابـق إنـذار
غابـت وخلّتنـي ولالـي وسيلـه
إلاّ مقابـل قبرهاإمـرار وإمــرار
اقابلـه وارجـع واعـوّد واجيلـه
واخاطبه ودموع عينـي كالامطـار
دمعي من إعيوني سريـعٍ هميلـه
والقبر مايعطينـي علـوم واخبـار
عن امّي اللي في إلحـوده نزيلـه
واقبل إترابه وابا الصبـر وانهـار
وليا نهضت القـى إخطايـه ثقيلـه
غصبٍ علـيّ اجيـك ياقبـر زوّار
اجيـك زايـر كـل يـومٍ وليـلـه
حيث ان فيك اغلى بشر فالبشر سار
امّي غلاها داخـل القلـب اشيلـه
ياليتني معها تحت طيـن واحجـار
في حضنها اللي مارضيـت إبّديلـه
وياليت قبرك دار واسكـن بهالـدار
واعيش في قربـك حيـاةٍ جميلـه
ياامّي بعدك الهم حاصرني إحصـار
وابغاك لكـن شوفتـك مستحيلـه

شاعرنا الكبير محمد بن دغيم

صح السانك

تحياتي