أسمك مع الروقه بربي ظلمـها

[ولد غابي]

[poem=font="Simplified Arabic,5,white,bold,normal" bkcolor="transparent" bkimage="backgrounds/32.gif" border="groove,10,skyblue" type=0 line=0 align=center use=ex num="0,black"]
الله من هم بقلبي تصرم=مثل الجمر ناره ضلوعي صرمها
هم كما الواهج عليـّه تكوم=واهج سناه الكبد صلوه وسمها
والله من عينٍ لها النوم يحرم=جازت من المرقاد همي حرمها
السهر صاحبها مع الليل الأظلم=يوم الهجوس القشر رزت علمها
من واحد منا قريبٍ ولد عم=رجل كساه العار لأخمس قدمها
رجلٍ ذلوله بالرذايل ترزم=سباقة بالعيب محدن هزمها
ابو شطاين كنها الطعس لا أردم=مثل العزوب اللي جفاها قحمها
ان كان مالك ياعفينان كوم=والله يعلم ويش مصدر رزمها
وأنساك كثر المال يالنذل للسلم=يجيك يوم به تمصمص عجمها
الدهر ياعفنان ماهوب يرحم=لابد ماالدنيا يصيدك سهمها
وتسقيك باللوعات مر معلقم=حتى تعاف النوم تنسى ظعمها
وتجيبك الأقدار يمي ترحم=وأذكرك يالهيس نافل شيمها
إن كان كثر المال مغويك فأعلم=إن الدهر دوار عجل قدمها
والمال كثره مايلم المحطم=وأنته كثر مالك ضميرك حطمها
وان عشت لأمشيك غصب ملثم=وأمسح بوجهك لين أنزّل هممها
يكساك ثوب الذل يالعار الأدهم=ياللاش يامطرّد فرايد بهمها
وأبك أنت قبل العام ثور ملجم=تمشي مع القصمان ترضّع حلمها
دلال شحاذٍ بهيم موسم=يمناك ماتعطي تلقّط لحمها
واليوم ياللــلاه معنا تكلم=تزوم نفسك معتلن في قممها
تراك مازدت بحصيلك ولاكم=ويمناك مبروم الخساسه برمها
أنشهد انك يالضراوي امعلم=أستاذ من خاواك دربك فهمها
تعطي دروس بالرذيله أتفهم=ومبناك ياعفنان فعلك هدمها
مثلك حرامٍ يا (.....) ينــلم=وحرام تاخذ مع عتابه سهمها
وما بينـنا حرام ماأعرقت بالدم=وأسمك مع الروقه بربي ظلمها
يالله عساك اتطيح يالتيس الأبكم=بيدين من لايرحمك وأفتهمها
حتى تعاف النوم لاقال الك قم=طويت صحفك وجاك نفسك لزمها
ماعاد ينفع يومها الخال والعم=ولاتنفع أموالك ونابي شحمها
ماينفع الا طيب فعلٍ امقدم=ولا ظنن فعل المراجل شكمها
يالحية الرقطا مع الناس مسلم=ومعنا كفرت أبليس عينك لطمها
بالله وش حدك على دفقت السم=قرّطت في يمناي سمك جذمها
ويش الذي حدك للأجواد تظلم=وتكبر الدعوى سريعٍ قلمها
ماقستها قدام الأبهام يبصم=معميك حب المال قلبك نهمها
قبل أمس خيرناك يومك تبسم=واليوم عندي مالك الا فحمها
تستاهل السوداء على رأس ملتم=راية خنا للي تناسى قيمها
ضيعت فعل الطيب بالمال مهتم=يافكرتي كيف انتهابك قرمها
غيرك من الأجواد عنها تشيم=وأنته ثبرك أبليس فوقك ردمها
خسران ياللاش ماحصلت مغنم=خايب ولاتعرف مبادي كرمها
طوعت نفسك للخنا فيه تفهم=خبير بالخسه وعنك ضرمها
جودت حبل الدون فيها تعصم=جودتها ياللاش فزت بعلمها
هذا جزاء من باع ربعه يترجم=بحروف سودا مااتعبت من نظمها
ون كان ماسدك نزيدك ونردم=ونبين الخافي ونبني هرمها

********

ملعون ابو قرش(ن) يهين الرياجيل= وملعون ابو رجل(ن) يعبد الريالي

سفر بن مشعان الغبيوي[/poem]