الليل يامحمد دغيم طال وعيوني تراه

[سعود حلمي]

[frame="3 80"][poem=font="Simplified Arabic,5,black,bold,normal" bkcolor="transparent" bkimage="../backgrounds/14.gif" border="double,10,red" type=2 line=0 align=center use=ex num="0,black"]
الليل يامحمد دغيم طال وعيوني تراه = لليلن يوديني على حد النصايب والقبور
ليل الشقا اللي لابسلي من عصر سودا العباه=لا ماتنفسلي صباح ولا بدى للفجر نور
لا دق هوجاس القصيد اللي على الضيقه حداه=غنا على الطرق الهجيني ماتضيق ابه البحور
والله لسرج حرف واعسف حرف يعجب من قراه= قصايدي فيها من الواقع وضيقات الصدور
على غياب المترفه شعري تعصا من عصاه= إن كان قصرت بقصيدي فيه ماني بمعذور
مترف شباب وعايشن في القلب واتعبني غلاه =ياوجد حالي لاذكرتك يالنواعس والخصور
اقفا وانا قفيت لو الحزن في عيني قراه= هدمت بيتك يالغلا من عقب ماكان معمور
ليلة غضب فرقا وانا قفيت عن عنق المهاه = كسرت ذكراها ولا بقيت له حتى العطور
بعد طويل السالفه وش لون ابا ادور رضاه= جاني بها طيف المشاعر بعد ماغابت شهور
جتني تمد كفوفها كني موصيها وصاه= في كفها الايمن وفا في كفها الايسر زهور
البحر الاحمر يصطفق ويجاوبه ضلع السراه= وتجاوب الاحزان مسراية على بعض السطور
ياكثر شرهات الزمان الي ملقيني قفاه= حتى غدت دنياي يامحمد بعد فقده دبور[/poem]
[/frame]