قصائد لشعراء من عتيبة قيلت في برنامج وشاعرالمليون يوسف العتيبي

[رائـــد العتيبي]

الشاعر يوسف رزاق العصيمي وقصيدة : تأهلت لدور النهائي
تأهلت لدور النهائي يابو منصور = وباقي مباراتين وتخلص الدوره
وانا كل ما يطلع بها لاعب مشهور= احول على خط الوسط وقطع الكوره
اذا الشعر بحر وكل شاعر وله منظور= انا كل ما غنيت زانت لي ابحوره
ولاني بعد ابيوت شعري على الجمهور= اليا صار ما تطلع مطاليع اخو نوره
ولاطير لامن من طار عند العرب مطيور= على شان تطلعه ثلاثين مطيوره
يكفيني اني من حوالي ثلاث اشهور= مغير اركض ورجلي على الركض مجبوره
معى حرتن كيعانها ما تنوش الزور= على ظهرها ما غير بندق وباكوره
من الليل تركض لين يطلع عليها النور= تبي ديرتن ما هي على الوصف مسبوره
رماها الرقيب الي مركب على الناضور= ووصلت وهي تضلع ولاهيب مكسوره
ياصدري تحمل ضيقتك والصدور اقبور= دفنا السوالف ما كشفنا لها عوره
لاكن ودك الرجال لاقال كلمة زور= قبل ما يطلعها توقف على زوره
مواطن وطالبهم بحقي من الدستور= ومشكور ما قصرت يا مجلس الشوره
ولاهو صحيح اتحطني باخر الطابور= على اساس لاعندي طوابع ولاصوره
ياحزن الشوارع لا تبكي عيون الدور= لك اسنين وارصفتك من الناس مهجوره
لك اسنين لامرك حمامه ولاعصفور= وحنا علابينا من الذل ممزورة
شعب يشبه الثيران والثور ينطح ثور= وثيرانهم واجد ولا عندهم ثورة
يقولون تجمعهم مصالح مع الصاطور= وانا اقول ورقبتك من السيف مخطوره
ولد لا تقول الحق لاتكشف المستور= عن الحق ثلثين السواليف محظوره


الشاعر وصل العطياني وقصيدة : عتيبة من الطايف إلى ساحل الدمّام
يا يوسف عداك اللوم يالشاعر المقدام = تجمّلت عز الله وحنا تجملنا
كسبت القلوب اللي لجزل القصيد حيام = ولن روّح المليون عساه ما ثنـّى
دراهم ماغير حطام دنيا وأخسّ حطام = ماتسوى قدم واحد من أطرف قبايلنا
عليّ الملازيم إن رزّاق جاب غلام = رفع رأس ابوه وروسنا يوم مثلنا
وسلام على التحكيم يا لجنة الحكام= فشيلة يا رب تجيرنا لا تفشلنا
عرضتوا ذممكم للمحرّج وللسوّام = تقال إنكم تبغون شيٍ يزعلنا
رضينا بالأولى والرضا سيّد الأحكام = وصبرنا على الظلم العظيم وتحملنا
صبرنا عسا تحيا ظمايركم النيـّام = ولكنها ما عاشت , الله يامنــّا
خبصتوا سوالفكم ولخبطتوا الأرقام = مثل قصّة اللي تخلط الكحل والحنـّا
وبعد إنها زادت عن الحدّ ما نلاّم = عسا الله يهين أرواحنا لن تهاونــّا
لا والله نردّ الصاع صاعين للظلاّم = ونعلن مع المظلوم كامل تضامنــّا
قبيلة بكاملنا نقول الوعد قدّام = ويا جاهلٍ فينا نعلّمك من حنــّا
ترانا عتيبة واسمنا يرعب الأخصام = هل الأولة من يوم كنـّا ولا زلنا
صناديد , ضربتنا تخلّ الجموع أقسام = لو إنّ الجبال رجال تعجز تقابلنا
اجل كيف يوم إنــّـا نحوّل على الاقوام = ما كنــّا سوى عذابٍ الله منزّلنا
كسبنا مراجلنا من الواحد العلاّم = عطانا وتالينا ورثها عن أولنا
وراثة عن الجدّان ماهي حلال أيتام = نبيع العمـار ولا نضيّع مراجلنا
وحتى التـّراب ليا وطيناه بالأقدام = يفحفح بريح الطّيب والهيل والبنـّا
وحنا بحورٍ موجنا يغرق العوّام = وحنا الرعود اللي يزلزل تزلزلنا
حزامٍ لمن خلاّه وقته بدون حزام = ومن ضدّته صكـّات الأيام يزبنــّا
وعلى قمـّة الشعر الجزل نرفع الأعلام = وبنينا لنا حصنٍ حصين وتمكـّـنــّا
من أيام كان الشعر وسيلة الإعلام = شيوخ العرب تشتاق تسمع مثايلنا
مثايل نسخّرها وتخضع للإستسلام = ما تقدر على المنحاش منـّا ولا منــّا
لو إن الشعر حرٍ يرامح بدون خطام = معفــّى يدقّ الرّقص في الروض ويحنــّا
ليا شاف له شاعر عتيبي ؟ برك ما قام = دقيقة فقط تلقاه مخطوم ومثنــّى
ولوّ أجزل الأبيات كفــار بالإسلام = بنظرة وإشارة واحدة قالوا آمنــّا
ولو الأدب والشعر يعطى له إستحكام = أخذناه بالغصبا عن الإنس والجنــّا
ليا صار فرعون إمتلك مصر والأهرام = ترانا على شبه الجزيرة تفرعنــّا
هذا حالنا الحاضر ومن ماضي الأعوام = على العزّ ودروب المعزّة تفنـّـنــّا
ولا غيـّرت فينا الليالي ولا الأيام = مرسـّين بأعلى مرتبة مثلما كـــنّا
تزول الجبال اللي حصاها تقول خيام = وحنا على الامجاد باقين ما زلنا
ولا همنا الاقزام ما ادراك مالأقزام = قطعنا لهم مشعاب من طايل الفنــّا
عصاً كنــّها عجرود حاشي ولاد العام = نحامي قليلين الحلا بالعصا عنــّا !
وحنا رياجيلٍ نعيش ونموت إكرام = وعدواننا ما تأخذ الزايدة منــّا
عتيبة من الطايف إلى ساحل الدمّام = لو إنــّا نعيش أفرع تغطرس يحقّ إنــّا
يموت العتيبي رافع الراس ما ينظام = مانخضع سِوى للي خلقنا وفضّـلنا
الشاعر ناقد عكاظ في قصيدة ايوسف اعرض ودع هؤلاء

أيوسفَ أعرضْ ودعْ هؤلاءِ ِ= فقد أضحكَ الناسَ شرُ البلاءِ
أتيتَ إليهم من الرافديْنَ = فباتَ السعيدُ بدركِ الشقاءِ
أتيتَ إليهم بمجدٍ تليد ٍ= عتيبةَ يومَ الوغَى واللقاءِ
أتيتَ إليهم بجودِ الرياحِ = عتيبةَ رمزُ الندَى والعطاءِ
أتيتَ إليهم بحرفٍ مضيئٍ = فكادوا إليك بكيدِ النساءِ
أتيتَ إليهم بما يجهلونَ = فزادوا على الجهلِ خُبثَ القضاءِ
فما هم بهذا كفحلِ عكاظِ = ولكنهم مثلُ ذاتِ اللواءِ
فهم مثلها عندَ بدءِ الأمورِ = وعندَ الفحيحِ وملءِ الوعاءِ
وهم مثلُها بعدَ حولِ الدعيّ = وفي النقدِ هم كدعيِّ البغاءِ
وما هم من الشعرِ في منسبٍ = وما هم إلى الحرف من أقرباءِ
وما هم من الفكر في ربوةٍ = وما هم إلى الرأيِ من أولياءِ
فقبّحكِ الله من لجنةٍ = تُحكَّمُ في قولِ أهلِ الوفاءِ
وقبّحكِ الله من لجنةٍ = تُضيفُ إلى الحُمقِ نقصَ الحياءِ
وقبّحكِ الله من لجنةٍ = وقبّح عُهراً نما في الفضاءِ
وقبّح بوشَ الخنا والفجور = ومن قال فيه حروفَ الثناءِ
ومن أنكَّرَ الفهدَ من حقدهِ = ومن يبتغي غير شرع السماءِ
وعن ما جرى لفتى المربدِ = برئنا إلى الله كلَّ البراءِ
فهذي مجلجلةٌ من عكاظ = ولا (راحةً) لصدور العناءِ
أقولُ وعن ذاكَ مستثنياً = فتى شمّرٍ وجبالَ الإباءِ
وأما التعيسُ ودال الخسيسِ = ورادارُ روضةَ وابن الغَباءِ
ففِيهم تطيبُ لحون القريضِ = وليسَ بغيرِ معاني الهجاءِ
ولو أنّهم عندَ فرزِ الرجال = ذيولُ الحميرِ رءوسُ الظباءِ
فيُوسُفُ أعرضْ ودعْ هؤلاءِ = فقد أضحكَ الناسَ شرُ البلاءِ


الشاعر غازي بن ردن وقصيدة : لجنة الزور والبهتان

ياللي بإرادتك وامرك سار مجرى الرياح = يامكون الناس من ما تدفق اصلابها
يامبينٍ مسلك الباطل ودرب الصلاح = يامدمرٍ قريةٍ ضلت على اصحابها
تفرج لعينٍ سهيره ماهتنت بالمراح = من غيض نفسٍ من البارح على اعصابها
مما تشوفه عيوفه مثخنه بالجراح = من لجنة الزور والبهتان واسبابها
وشلون سور الأمانه والحمى يستباح = هانت وذلت بعد مادنس ترابها
من يامن الحيه الرقطى وسمٍ ذحاح = بانيابها تنفثه لاصادت انيابها
الحقد معروف دايم في طريق النجاح = واقف وله زمرةٍ تومي بمشعابها
وأسبابٍ أخرى عن الأعين حجبها السناح = امور تخفى لكن الله هو ادرابها
لابارك الله في مدة يدين الشحاح = اللي غدت بين مدح الناس واعجابها
انكانها بالعدل يامولدين اللقاح = القافله ماشيه لو تنبح كلابها
وانكانها بالعزاوي والنخى والصياح = لاخير في لحيةٍ ماعزت اشنابها
ربعي عتيبه توردها العدود القراح = البكره اللي تدرهم تحت ركابها
زودٍ على طبعها المرغوب عفراً شناح = بالزين كل الأوادم تسلب البابها
ربعي عتيبه ليانادا منادي الفلاح = وقت الحرايب يذوق الغبن حرابها
تعرف بضرب السيوف وطعن علط الرماح = يوم الليالي تواشي راس مشهابها
يشهد لهم من دخل بوجيهم واستراح = شهرين فوق السنه محسوبٍ حسابها
وفي مثل هذي لك الله ماطلبت السماح = لو من قراها زعل من نهج كتّابها

الشاعر عبدالله العطاوي وقصيدة : أهل الفخر عند الملاقى مغاوير
البارحة ما نمـــت ليــــلي تفاكــــير = يوم ان بعض الناس حقق منـاهم
في شاعر المليون حسب التصاويـر = عــبر القنـــاة اللي تبنت لقــــاهم
من لجــنة التحكيم مدهونة الســـير = اللــي ولد زايد بمــــــاله شــراهم
باعوا ذممهم وسط سوق المخاسير = كبــوا على المسرح بواقي حـياهم
نشوى تسيرهم على الكيف تسـيير = روضــه بعد تنهى وتامر عـــلاهم
في حكمهم يا ناس ما به معايــــير = فالحـــكم يدخل يا خلايق هـــواهم
مابه عداله .. تعطي الحق تجـــيير = يــم الذي له بان صـــــادق ولاهـم
ملامـح الدكتـــور ترســـم تعابـــير = تحــكي على وجهه ملامح عــداهم
زود على غسـان مستشــعر مطــير = مــع فالك التوفيق وايضا عمــاهم
ما فيـهم اللي يرفع الراس تنـــوير = كـــود الذي ليته برجــله وطـــاهم
لا خير في من يجحد الحق لا خــير = لا خــير في الحكـام واللي وراهم
والا ولــــد رزاق وافـــي اشابـــير = وافــي لا تضره ســـواة حقـــداهم
مجنــون يوسف جاب كل التفاسـير = في شــاطي الراحه وبيح خفـــاهم
عطــاهم الصالي بكشف الاساريـــر = ما انصاع للجنه وغصب يعصـاهم
نسل الرجال اللي لهم يخضع الغـير = غصــب بلا منــه بساعة لقــــاهم
ليا احتــمى الميقاف صفوا طوابــير = ما خاب من هو فالمواقف نخـاهم
أهــل الفخر عنــد الملاقى مغاويـــر = من اول العتـــبان لاتلى ضنـــاهم
تكفــون يا العتبان اهل المعاســــير = بــرقا وروق اللـي يــذري ذراهم
هبوا ترى هالحرب حرب الفواتــير = ما هـي ملاقى وجـيه حتى نتـفاهم
نـبا على فوزه نســــوق التباشــير = واهـل الردى يرجع عليهم رداهـم


الشاعر مقبول الشيباني وقصيدة : الثور غسان

مدام ابه عتبـان فالبـال طربـان = لاخوف لاخوفن على ابن القبيلـه
حنا هل الطالات في كـل ميـدان = لو حاولت شلة بخيـت وعديلـه
ولانا بحاجـات لدلايـل وبرهـان = موتو قهر يهل القلـوب الغليلـه
عتبـان ياتعبـان لاقيـل عتبـان = ماهم هل الهزلات قـوم الجزيلـه
حنا شموخ وعز في كـل الاوطـان = اسباع نجـد وكاسبيـن الجميلـه
لامن زعلنا نشبه المـوج طوفـان = والبحر لامن ماج كلـش يشيلـه
يبقا العدو في لجتـه دوم غرقـان = ولابـه نجـاه ولا لقالـه وسيلـه
والشعر حنا اهله على مر الازمـان = ومن يمنـا ماجـاه عيلـه وميلـه
ومن يوم ينقد شعرنا الثور غسـان = انشهد ان الشعر سجـل رحيلـه
جفت بحوره واصبح الكل ضميان = وقفا عـن اللـي يحترونـه مخيلـه
ظلمن ولابه شك قـدام الاعيـان = الله يلعنهـا هاذيـك الفصيـلـه
مريخي على (..) والكلب سلطان = والهلامه اللي بس (مافيك حيلـه)
هاذي ترا ماهيب للشعـر عنـوان = وجيـه عـزالله تجيـب الفشيلـه
لافكر لاتقييم لانقـد الـه شـان= الناس هاذي للحـدث وش تجيلـه
من حطكم نقاد بالعـون خسـران = يازينكم في وسط سـوق البليلـه
روح جزيل الشعر ظلمن وبهتـان = عند العقول العاجـزه والشليلـه
يارخوم عيشو ذل موتـو بحقـران = تسقون كاس المر فـي كـل ليلـه
ويوسف كفو ويستاهل المدح ذيبان= وراه قومـن فاللقـى ترتكيـلـه
لايمكن انكبه ولـو كـان ماكـان= دونه نبيع الـروح هـاذي قليلـه



الشاعر فارس الرسيمي الظفيري وقصيدة : بانت مواري اللجنه الكذابه

بانت مواري اللجنه الكذابه = ولكن يحده للتحيز طبعه
احدن يحد النار صوب اقرابه = واحدن يدور للترف والسمعه
واليوم يوسف ينتخي بأعتابه = ومن يطلب العليا يفوز بربعه
الذيب صاح وجاوبته ذيابه = يا عتيبه الفزعه وثم الفزعه


الشاعر عبدالملك الخديدي في قصيدة : رسالة إلى الجنرال

الشعر لعتيبة ملوك القصايد = من قبل ما تُخلق محابر قلَمْها
تاج الشعر حِزناه من عصر بايد = لين اصبحت ورثه لمن هو لِزمْها
حنا لنا بالشعر مليون زايــد = سلاسل التاريخ تشهد رجمْها
وحنا لنا بالشعر صيد الفوايد = من عهد بن جبران شيخٍ نظمْها
وحنا عتيبة من قديم العوايد = لا صوّت الشاعر يقّوي هممْها
هوازن التاريخ واهل الجدايد = ما هي هبات موزعة من لمَمْها
يا هل الشعروالفهم واهل الوكايد = صقل المعاني من عظايم قيمْها
ما هي دراهم واتصالات ( وايد ) = والاّ مذيعه تصبغ اطراف فَمْها
والاّ عضو لجنة مسوّي محايد = تصْفِق كُفوفه للّحُون ونغًمْهـا
وما هي مدايح كذب لاهل الموايد = وما هي عقولٍ ترتَخي في ذممْها
ما فيك حيلة يابن رزاق رايد = في حفلة المليون واسمك ختمْها
باذن الكريم تفوز والعلم كايد = وترتقي بالعــز قمة هرَمْها
عزوتك من برقا وروق الندايد = في سهلها والبيد واعلى قممْها
ذباحة الحايل سباع الوهايد = لطّامة العايل خفوقٍ علَمْها
لا سار للرجّال بعض المصايد= يحفظ كرامة وزعته عن رِمَمْهَا
ولا سار للرجّال بعض الشدايد = يصبر على الشدة ويبعد سقمْها
يكوي قلوب القوم والراس سايد = ويرفع ثيابه عن مواطي خٍممْها


الشاعر طلب الظفيري والقصيدة : أصبحت عتيبي لو ماني عتيبي

أصبحت عتيبي لو ماني عتيبي=.فزعة مع الهيلا ولباسة الجوخ
من شانكم يامكرمين الصحيبي=ثورة غضب قامت علي شان مطنوخ
حلفت صادق خاطري مايطيبي=حتي نشوف مضيع الحق مصلوخ
الله يلومك يالخيال العجيبي=تكتب علي صدر الورق حرف مشروخ !!
مافيك طب ولايفيدك طبيبي=دامك عجزت تقارن التيـن بالخوخ !!
جيت متضامن وأستفز الطليبي=لقبيلةٍ في ناظري كلها شيوخ !!
ورد الشاعر العابر :ازكى التحيه لابن هاك العريبي = اللي تضامن من حزازات ومشوخ
تلفيه في داره وقبل المغيبي = برد الو فاء من سرعها شبه صاروخ
تحمل وفاء قوماً تهد الحريبي = شكراً من الهيلا كبر خبت صلبوخ
للي شجب ظلماً علينا غريبي = تزعمه خمسه من العالم ا****************
مايفقهون الشعر شياً معيبي = من ظلمهم ياصاحي العقل مكموخ
ايجاوب اسباع الخلا بالقنيبي = الظلم ساده واصبح الحق مملوخ
ويوسف ولدنا بالمواقف نجيبي = حراً ولد حراً بداء راس شمروخ
ماينثني حيله بزود النحيبي = ومدافع الاخصام في عينه اشروخ
وحنا معه لازاد حر اللهيبي = فزاعتن وان جاء على دربه افخوخ
نارد حياض الموت شيب وشبيبي = رجالنا ومن السطر شبه ملموخ
الموت في عينه فلاة وشعيبي = ثوب الشجاعه لبس والذل مفصوخ
والشعر نلنا وافره والنصيبي = بكل الجزيره طوع القابه اتنوخ
يرضخ لنا غصباَ بماقف صعيبي = ويصبح لنا طايع وبالغصب مرضوخ
وهاذي رساله شاطحه من عتيبي = شكراً من الهيلا كبر خبت صلبوخ
ورد الشاعر محمد بن منصور الروقي
ياصاحبي محشوم عن كل عيبي = اشوش انا من قوة البيت وادوخ
ليت الظلوم اللي بعينه مصيبي = يرقد ويمكن يصبح الصبح ممسوخ
لكن تبا تظهر عيون المريبي = لو كان متغطرس وبالكبر منفوووخ
النذل مايومن ولو هو قريبي = ولا تومن الديبان لو انها افرووووخ
ياربع بابا فين والدانس بيبي = ترا الهوا لا هب مايذري الكووووخ
اتنينه وعشرين!!!!!لا ياحبيبي = العلم مطبوخ من ايام مطبووووخ
والرد واحد والتفلسف عجيبي = والشيك اظنه من ورا الناس منسووووخ




الشاعر فارس مقبل العصيمي وقصيدة : ولعي فالراس يانار الحميا
ولـعي فالـراس يانـار الحـميا = نعـنبو رأسً يـعيش بلاحـمـايـا
لابتـي منـزالهـا فـوق الثريـا = خير وأشرف من ركب فوق المطـايا
شجـرةً يرقـد تحتها من تـفيـا =وغـابةً يامن بها سبـع الضـرايـا
مارقينـا قمـة العلـيـا كـذيـا = غـير بفعـولً تشيـد بها الـبرايـا
فزعة شليويـح وخيول المحيـا =وسـطوة العفـار وحظوظ المحايـا
جبـت من تاريخ ربعي ماتهيـا = لابـةً تاريـخهـا كـلـه مـزايــا
دام غسان الحسن كـابر وعيـا =ينـثـنـي للـحق ملعون الحـلايـا
حطوا بكبـده من النـيران كيـا = واشعلـوا في لجنتـه حـمر اللظايـا
لابتـي يالابتـي وأنتـم بلـيـا = نخـوتي تردون حيضـان المنـايـا
ولعـوها من هنــاك ليا هنيـا =زيدوا الصـبه على روس الظمـايـا
عشت يايوسف عزيز ودمت حيا = ياحفـيد المجد محمـود السجايـا
خضـت نار الحرب مافيها كنيـا = وصحـت للـعـتبان في كل القرايـا
قل لغسان الحسن ماشاف شيـا = تـونـا لازال للـقـصـة بـقـايـا


الشاعر عبد الحكيم بن طلق العضياني وقصيدة : ظلاُم يوســف مقتفيـه العذابي

يالجنة التحكيم دوكم جوابي = جواب شافي يسبر أغوار غسان
جوف السموع يسير سهل انسيابي = على السعيد يمر تركي وسلطان
ولا علي ماظن مثله يحابي = بس الشرور يعم لو كان ماكان
يالجنة التحكيم طار الذبابي = على قمام الزور ظلمٍ وبهتان
سقتم ظعنكم جور وسط الزهابي = يوم النتايج مخزية فعل خوٌان
ليل التلاعب مثل جنب الغرابي = ولا نهار الحق مخفي ولابان
لو يستمر الحق حكمه غيابي = لاتتعبون الناس تاتي وتنهان
أنتم بديتوا فوق هام السحابي = بس النهاية بينة خير برهان
حدر القدم من فوق سطح الترابي = امجاملة واجحاف واخلال ميزان
يوسف عليه تسل روس الحرابي = أما هذا المليون فاله وربحان
لاجل المعارف والوسايط يجابي = يمدح وغيره ماله أصحاب واعوان
انا ماذم الناس باسلوب نابي = شعار ولا اتهم فلان وفلان
أنا انقد التزييف وارسل عتابي = أصحح الغلطان وادل عميان
عسى يدل الدرب مخطا الصوابي = ويصحح الفكرة ونيات الابدان
ظلاٌم يوسف مادرى بالحسابي = في يوم فيه الحشر جنة ونيران
كلٍ شهد له طيب الشعر طابي = من جملة الشعار من غير عتبان
المنصفين الشعر شيب وشبابي = بيض النوايا حصلوا الصدق نيشان
يالجنة التحكيم زاد الضبابي = عج التمادي ثار من كل ميدان
زيحوا ضباب الجو قدم الركابي = العدل والانصاف للشعر تبيان
إما اعتراف بقول قولي غدابي = زلة لسان انسان مغويه شيطان
ولا يكابر مقتفيه العذابي = يرزح مع الغاوين خسران خسران
ونقول للشيخان جاه الخرابي = برنامج المليون بيدين سفهان
يالجنة التحكيم ليه التغابي = الحق حق وراعي الحق سلطان



الشاعر سعود بن سطام الدلبحي في قصيدة :اهداء لشاعر المليون

سلام الله ولو مابه ســلا مه = على ربع ن يعشقون الزعامه
علىربعٍ ن يـردون المـخــلا = اليـا من الوغى جاله عسـامــه
على العتبان من روقه وبرقا = عددمن واق في راس العدامـه
بعدها ياعتـابـه ياالنـشـامــا = نبا كل واحد ن يشهر حزاـمه
يسله ثم يحز ارقاب الأعـدا = عريب الجـد ماتـبرد اعضامـه
مواقف والمواقف عند اهلها = وابن رازق كفون للزعاامه
يايوسف لوتحدى من تحدى = تبى تبقى حزاامي والعماامه
عتيبي والعتيبي لاتصــدر = يقول القول ويتمم كلامــــــه
نبى نبقى على المجد انتحدى = وابن رزاق شرفنا مقامــــه
نخبر ان اللجان معاديتنا = هل البخشيش ودروب الرخاامه
وراعي الحقد لويضحك ويمزح = تشوف الغيض في وجهه علامه
ضعيفن مايجمل في فعوله = وراسه يدفنه مثل النعامه
هذا وقت المظاهــــر والمجامل = حلال المعرفه خالط حـــــرامهالشاعر طارق بن ماجد بن مغيرق في قصيدة : يوسف نخى الهيلا

يوسف نخى الهيلا وجت مستجيبه = عتيبه هل العادات عند الصمايل
ما فيه نخوه مثل نخوة عتيبه = ورثٍ قديم من الجدود الاوايل
قبيلةٍ لها مكانه وهيبه = مشهورةٍ بالطيب بين القبايل
تضامنت مع صوت من ينتخي به = اهل الوفاء والجود واهل الجمايل
فزعاتهم بالضيق ما هي غريبه = ذباحة الحايل عمى كل عايل
عز الرفيق وعز من يلتجي به = شيب وشباب وروس كل الحمايل
من الطايف ومكة وركبة وطيبه = وفقار نجد وكشب واطراف حايل
رجالهم ما ينحني للغليبه = عن ميه من اعداه لا جاك صايل
الطفل منهم عقله بعقل شيبه = ظهر على الشاشه وبث الرسايل
فريد من نوعه وصوره عجيبه = الله يصونه من حسد كل قايل
يا يوسف اللي خانك الله حسيبه = ومليونهم تلقى بداله بدايل
الجائزه تصويت ربعك عتيبه = اهل الكرم والمسرجات الاصايل



الشاعرة قهر يزيد وقصيدة : على مسرح تعبهم

على مسرح ( تعبهم ) والشقاوي = شرحت الدرس يالنجم السماوي
وصححت الورق قبل النهائي = ( ولم ينجح شحادة المستكاوي )
وعلمته دروس ٍ لو فهمها = يشوف الدرب ويعد الخطاوي
اذا هم لجنة المليون درهم = وبيع الشعر والحال متهاوي
عتيبة لجنة المليون شاعر= تقيم العدل وتصك الدعاوي
وأصغر شاعر ٍ فيها محاضر= بجامعة البطولة والهقاوي
نعرف الحق ورجاله وندري = يغوص الدر وتعوم الرغاوي
نعرف انه زمان أم المهازل = زمان الفبركة وكثر البلاوي
ولا هو فخر للفارس بطولة = يمنتجها المخادع والهواوي
وإذا تعجز عن العدل القواضي = على ويش اللحى ووين الغطاوي ؟

ا لشاعر بندر المحاسن وقصيدة : ألا هبي بصحنك

الاهبي بصحنك فأصبحينـا = ولاتبقي خمـور الاندرينـا
يقوله عمر ابن كلثوم ويسكر = وخلد شعـره بكـل السنينـا
وانا صاحي وابقول القصيده = وافخر فوق فخر الفاخرينـا
ابفخر في عتيبه تاج راسـي = رؤوس المجد ياللي عارفينـا
رجال ماتهاب المـوت واللهدفـاع للشـرف متسابقينـا
ليا من المنادي صاح فيهـم = يساوون الجبل بالارض طينا
ترى حنا عتيبـه لانظلمنـا = نـرد الظلـم للـي ظالمينـا
فلا قد ضاع حـق للعتيبـي = وخلفه شعب حـر ثايرينـا
والامن المسائل صار فيهـا = ومافيهـا تحزمنـا ورمينـا
نفجر كل من سـول لنفسـه = بأنـه قـادر يلعـب علينـا
ونترك في رضانا ماكرهنـا = وناخـذ مابغينـا مابغيـنـا
وننزل لانزلنا من تواضـع = ونرقى للسماء لامن رقينـا
والى منا نزلنا مثـل غيـث = على مسكين جانـا يرتجينـا
والى منا نزلنـا مثـل نجـم = على شيطان وفي حق مبينـا
عتيبه اسم لامن قيل زلـزل = يثير الرعب عنـد الحاقدينـا
عتيبه كالسماء محد وصلهـا = عتيبه بحر والعالـم سفينـا
ومن يجهل يروح لنجد ينشد = وش اللي صار فيها قبل حينا
نزلناهـا ولاحنـا بأهلـهـا = ولاجينا لأهلهـا وأحتمينـا
نزلناها وازحنا من سكنهـا = ودحرجنابها رقاب تعصينـا
حكمناها وعرش المجد واحد = ولايقعد علي عرشـه ثنينـا
وزرعنا بكل أرض جذع منا = من الشام ليمن وبوسط سينـا
وفي شرق العرب انشد وتلقى = عتيبـه ماكنـه بالرافدينـا
ولينا ومانسلـم مـن مذلـه = ولـو كنـا نسلـم ماولينـا
وولاء رجالنـا للديـن أول = وثم لارض منهـا ارتوينـا
فزعنا للامام اللـي زهمنـا = وصرنا لرايته نعم المعينـا
ووحدنا معه دولـه علمهـا = به التوحيد رمز الصالحينـا
وصرنا سيفه البتـار لامـنلفى = للدار جيـش المعتدينـا
لنا بالخيل والسيف البطولـه = بعهد رمزه السيـف السنينـا
ولنا في عهدنا الحاضر مكانه = تعلى فوق روس الحاسدينـا
كسبنا الاحترام بطيـب نبـعه = شيوخ القبايـل شاهدينـا
اذا جت فزعة والا وجاهـه = نعز اللي طلبنا مـا انتحينـا
ولنا في ساحة الشعار رايـه = اذا جاء خبل فيها يزدرينـا
نعز الشعر مانعتـز لاجلـه = ولا هو اكبر همـوم تجينـا
ولكن لاحصل فيه التحـيزعنا = للتحدي مـا انحنينـا
نسل حروفنا من كـل بحـر = ولانجلب سوى الصيد الثمينا
نكسر راس من جانا تحـدى = نذره بالهواء مثـل الطحينـا
وافخر فخـر لعتيبـي بإنـه = سليل اخوال خير المرسلينـا
ا لشاعر طلب الرداد وقصيدة ماذاق جور الزمن
ماذاق جور الزمـن مـن ربعـه عتيبـه = رجليه في الأرض وراسه في السماء العالي
قبيلـةٍ مجدهـا تصبـح وتمسـي بــه = يرفض ولدها يجي فـي الموقـف التالـي
تحـدرت مثـل سيـلٍ حـطّـم شعيـبـه = ورا ولدهـا ثَـنَـتْ مـاردهـا ريـالـي
والله يـلـولا رجــالٍ كلـهـا هيـبـة = وتاريخ يشهد لها فـي ماضـي الأفعالـي
ماكان يوسف يجي( روضـه )تهلـي بـه = وأصبح مصيره مـع اللـي مالهـم والـي
لله در العتيـبـي ويـاكـثـر طـيـبـه = واليا إعتزا فـي جنابـه معـرب الخالـي
يدفـع حياتـه ولـو إن الثمـن شيـبـه = دون الشرف والكرامـة يرخـص الغالـي

الشاعر شهاب الأحمد وقصيدة : للعد الرهاوي سلام

للعد الرهـاوي سـلام = سلام يانخـوة عتيبـه
الفعـل غيـر الكـلام = ماقصرت في مواجيبه
لياصارت عتيبه حزام = يوسف بعالي مراقيبـه
والله . علـي الحـرام = الطيب ينعد من طيبـه
وردوا ركايبهم حيـام. = قبيلة(ن) جاوبت ذيبـه
شالوه من وسط الزحام = بالمال والكل يدريبـه
تاريخهم عالـي مقـام = عدوهم يجني الخيبـه
بالمـال والا بالحسـام =الحر تشهـد مخاليبـه
تقدير منـي واحتـرام = مايلحقه شـك وريبـه
الشاعر سداح العتيبي وقصيدة : جذبني طويل الباع

جذبني طويل الباع في قافه المـوزون = يغنّي من الإبـداع لإشبـاع الأذواقـي
ليا صفّها صف الذهب قـدّم المخـزون = لو الغاليه ماهيب فـي كـل الاسواقـي
يا سلطان والبيضاء لها داين ومديـون = أبستسمحك فـاللي صلبني على ساقي
أنا خاطري من خاطرك ضايق ومشحون = ولا خير ٍ في رجل ٍ عن الذل ما تاقـي
ما أحب التعنصر والخطا بيّن ومقـرون = ولا سقت مـن بـاب القبيليّـه نياقـي
ليا صاروا اهل الشعر في غيّهم لاهون = يضيع الشعر ما بين مـازح و****************ـي
صحيح المبادي بعضها صابها طاعـون = زرقها يا بـو سالـم ثمانيـن زراقـي
على ويش ياللجنه ضحكتي بدون سنون = ترا الظلم ظلمات ٍ لا يبسـنّ الأرياقـي
ولد عاصم اللي يملكه من وليّ الكـون = وهايب من المعبـود كفـال الأرزاقـي
لو انه لمسكم ما يجي حكمكم هاللـون = الإنصاف حسب القاف ياطاق طرباقـي
غبينه لكن الله علـى نافـخ البالـون = بعـد دوّن التقييـم نفّـاخ الأبـواقـي
ترا الشعر أمانه والأمانه لهـا مأمـون = ما تعرض على حسب المصالح وتنباقي
نعرف الحقيقه والعرب سيرها مدهـون = على المايده قامـوا يعـدوّن الأطباقـي
ما ينظف خطاكم لو غسلتوه بالصابون = ليا ضاعـت الخيـره يقلّـن الأوفاقـي
وحتيش لو تضحك لهامان يا فرعـون = لنا النور .. والظلما بمليـون طقاقـي
الشاعر مشعان البراق وقصيدة : على هامش الموضوع
على هامش الموضوع والا على طاريه = حصل ماحصل والوضع مانيب راضي به
ماسددت جوالي علشان اكلّم فيه = لاوالله .. عشان اصوّت لـ( شاعر عتيبه )
لاجت للحميّا .. حال دون الوجيه وجيه = وكم موقف ٍ ماعنه صدّه وتجنيبه
نشوف الغبينه .. والخطاء مالله براضيه = واذا انّا سكتنا عن هذا الواقع / مصيبه
تعدّي وظلم .. وكل هذا التحامل ليه ! = خطاء اللجنه الفادح ماتحمد عواقيبه
يايوسف سلمت ودمت .. لكّن للتنويه = قصيدك ليا جات الحقايق نماري به
علي الحرام يشوّش الراس يوم اوحيه = تقول اني اسكر معه وامشي واغني به
اسافر معه في حاضره لاذكر ماضيه = مثل من ذكر غاليه .. لاطالت الغيبه
تلبي له سموعي .. وخفّاقي املبيه = يمّر الحنايا .. والمشاعر معازيبه
وانا ( 1 ) .. وغيري ملايين تستهويه = اعلّمك .. ما فالهرج شكه ولا ريبه
لكن الضمير ان صار مرّه مثل حاليه = غدى الشعر طير ٍ ماتسّره مخاليبه
مدام القصيد يقيّمه منْ لايعرف فيه = فدا راسك الـ( 1.000.000 ) ياشاعر عتيبه

الشاعر مطر الروقي وقصيدة : يايوسف الا الك لابه

يايوسف الا الك لابه كلهم فزعـه = والا العزاوي ليا جا وقتهـا جينـا
فزعاتنا للرفيق اسرع من السرعه = حنا رفاقـه ليـا منـا تعزوينـا
وان عودت كل شاعر ينتخي ربعه = حنا عتيبه من المينا الـى المينـا
حنا اشهر الناس بالنخوه وبالسمعه = مافيه فى الارض طيب الا لسامينا
مدام فينا الثلاث البيض مجتمعـه = على طوال الايادي طالـت ايدينـا
راياتنا من قديم الوقـت مرتفعـه = والله خلق روسنا اعلى من مبانينـا
مانكسب المرجله صدفه ولا رمعه = الحمـد لله علـى الطالـه تربينـا
سيل المكارم بدا من عندنـا نبعـه = حنا خوال النبـي هـاذي تكفينـا
الله خلقنا لنصرة دينـه وشرعـه = والناس تاخذ مبادي مـن مبادينـا
ويومٍ للسيف فى ارقاب العدا لمعـه = ياقوم ياقشر حـظ اللـي يعادينـا
كم شيخ قومٍ نعشي راسه الضبعـه = قصايد الفخر فـى الهيـلا تغنينـا
من غير قاصر باحد لكن لنا الرفعه = المجد فى نجـد بيمينـه مقهوينـا
لنا الشهامه عمامه والوفـا قبعـه = من وين جينا ورحنـا الله يحيينـا
والشعر حنا هله لو ماهو بطمعـه = لكن ليا جا التحـدي بـه تحدينـا
ومن يبتلينا بشـره يبشـر بقمعـه = النـذل ماهـوب لامنـا ولافينـا
والله ليخسى الحسود ويذرف الدمعه = وامجاد ربعي عن المليون تغنينـا
وتدوم برقا وروق تعيش فى جمعه = واطيب تحيه لحاضرنا وماضينـا
الشاعر علي بن سالم وقصيدة : على الحق شدي واعدلي

على الحق شدي واعدلي يا يدّ الانصاف = ليا صارت يدين التحامل على المكشوف
يايوسف تحيزم بالسعد ماعليك خـلاف = مدام الهنادي جرد والصافنات وقـوف
وحنا هل الفزعات والفعـل والميقـاف = بوقت الرخى واللين والا بوقت الخوف
ورثنا الحميّا والعوايد مـن الاسـلاف = ولا للعرب منـه علينـا ولا معـروف
وردنا وصدرنا يوم ان السنين عجـاف = وعفنا ليا شفنا الموارد حلال ضعـوف
تبين النوايا السود والا الحمول خفـاف = هواين ليا صارت كذا والعيون تشـوف
هواين وكل اللي حق شـاف وعـاف = وعين الحقيقه من صلاله لحد الجـوف
قلوبِ ملونها الحسد والنفوس ضعـاف = عطوهم قدر والا لاعارف ولامعـروف
الشاعر راع العرف الحربي وقصيدة : عقبال ماتاخذ المليون

عقبال ماتاخذ المليون ونشـــوفك = يالشــاعرالبيطار واقف على نـابي
وعتيبه الهيلا تراها صـــــــــــفوفك = لاصــار بالدعوى حميْه للاقـــــرابي
غصب ٍ على اللجنه مداون حروفك = يطرب لها السامع وفيها صــــوابي
وانا من اللي عرفهم مايطــــــوفك = حربي ومعك آقف مادامي شبابي
وربعك عتيبه وان تبيْن صـــــــدوفك = تاقف معك ماردها كل هـــــــــابي
اهبي هبيتي ياوجيه ٍ تعوفـــــــــك = وجيه التيوس وفيه حمر العـــــلابي
والا انت حر ٍ ماتوصف وصـــــــوفك = (( حر ٍ نداوي )) كد بلغت النصــابي
للقاف تبني والجماعه تشـــــــوفك = تلقي وراسك رافعه مــاتحـــــــــابي
عهد ٍ علي اني لااذكي خــــــروفك = ويطيب لي ْ الزاد معه الشـــــرابي
لافزت بالمليون وابعدت خـــــــوفك = مادام حزت المجد رد الـــــــــجوابي
فوْزك ربعك غصب واخبرا كتــــــوفك = اني بعد معهم شعبت الــــــــركابي
شاعر قليل بوقتنا من صنـــــــــوفك = صغير سن وراس .. مالك والاذنـابي
الشاعر عايض النفيعي وقصيدة : ذباحة الحيل

ذبـّاحة الحيل سقف المجـد وعــروشه = متربّعـين علاهـا مـال أحد طـلبه
لطـّامة العيّل اليـا حمـيــة الهــوشـه = الخبل منـّا عقيد القـوم يبحـل به
نـارد على المـوت مثل العـد وطروشـه = الدلـو فـ البير والغـرّاف نـزّل به
الحـرب طبلـه سوات الدّف فـ الكـوشـه = ياحـي هـ الطبل واللي جـا يطبّل به
لـو المنـايا تحتنـا فرش مفـروشـه = أنليـّن أسهـومــها بـ أقدامنـا الصلبـه
كـن الصبـا من يد القصـّاف مرشـوشه = مسـك(ن) وكـادي لـ شافتنـا تجمـّل به
نضرب بكـف تقـضّ بلير مـع بوشـه = كـف ٍ حديد ٍ وكـف الطيب كـبّل به
عدوّنـا يطصفق ويضـيع فالطـوشـه = ويمـوت ميتة حـرج لو هـو مقبّل بـه
أسيـوفنـا مـن خضـاب الدّم منقــوشه = تخضيب عذرا ً تفـّل الراس فـ الحلبـه
عذرا ً تسوق الحـلا لا والله أتحــوشه = وتحـوش قـدّامها العـاشق وتنكـل بـه
واصحيبـنا لـو يهمـّل ضينـه وبـوشه = لـو مـامعه غـير مشـعابه .. يا قـو قلبـه
القـوم عنـده مـاهي لاقيـة ٍ أمعــوشه = عقب أنـّها العـام ضـاريـة ٍ على سلبـه
اللي يصـاحب عتيبـه مـ أحـد ٍ ينـوشـه = واللي يعـادي عتيبـه ويش تفعـل بـه ؟؟
مـاتكـحله بس واللا تنتـف أرمـوشــه = اللا تخـلّي عيـونـه للكـحل علبــه
الراش شوّش وشـاش ووقفـت الشـوشه = وعمـامتـي سلبة ٍ من داب مـنسـلبـه
ممـا رأيته مـساء البـارح يادنـدوشـه = يازين خبـط اللبّـيد وصلبتـي صـلبـه
أسـري وأصـابح رجـوم العـز وحشـوشه = وأضـوي ولا أضـوّي الآيـات منقلبـه
مـن محـفل ٍ منـه كـل الخلق مدهــوشـه = ذكـر الحمـيّا ذكـر عـابد يهـلّل بـه
كـل(ن) مـن أجيوب ثـوبه ينطـل أقروشـه = إلـ شـاعر ٍ كفـو والهيـلا تمـثـّل به
اللي جـلب سلعـة ٍ مـاهي بـ مغشـوشـه = لـو قيل مـاقيل جـلبه مـامثل جلبـه
مـاهي بـ لوّل زبـون يســوم مقروشـه = يوم أن سـوّمهـا لعـّـاب مـن خلــبه
خلبـه زعمهـم كـرافتـّه وطـربـوشـه = فـي ذمـّته قـال ياربّ البشـر قل بـه
ماندفـن الحقـد والصمـلان مفشــوشه = أصدورنـا أوسـع مـن الصمّان مع صلبـه
نقـرى الفلـق والمدنـبش فـكّ دنـبوشـه = لو أن سحـره ظفـاري دق ّ مع حـلبـه
الضـلع وأرقـه يـايوسف تلبـد أوحـوشه = وش عـاد ريـع ٍ ربـض فـي مفرقـه كـلبـه
واللّـي تلـّف الزقـاره بينـهم مــوشـه = عنـدي لهـم عـلم وأنـا اللي مـوكّل بـه
( حـاذور شلفـا شبيب وحـافر أكروشـه ) = أن مـات مـا مات شيخ ٍ عزوتي صلبـه


اخوكم رائــد