فيك الحلا والدلع فيك الغنج كله

[عبدالله المرشدي]

عساها تنال اعجابكم واسمحولي لو ماكانت قد المستوى


[poem=font="Simplified Arabic,6,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
فيك الحلا والدلع فيك الغنج كله=يامصدر الشعر ياسبة معاناتي
فيك الهوا والدوا ياسبة العله=يامهجة الروح ياست البنياتي
الجرح من سبتك لو زاد مامله=زيدي جروحك وهاتي غيرها هاتي
ياقبلة البيض ياقسى من جرح خله=يانشوة بالخفوق تفجر اهاتي
ياكامله بالبها ياورده وفله=يانور عيني على كل اتجاهاتي
لو شفت غيرك من الزينات مفطن له=ماشوف غيرك ولو عرض لنظراتي
اغليك واهواك انا ياباهي الطله=اهواك في سكنتي والا حركاتي
القلب مفتوح بابه طيفك يدله=مايدهله غير طيفك انت بالذاتي
جيش الغلا في خفوقي صار محتله=في ثومة القلب حبك رز راياتي
طيفك رتع بالخفوق وصار مدهله=لو غاب عني صباحي بالمساء ياتي
صوتك يصب الغلا بالقلب ويزله=مع جاري الدم يجري مع كرياتي
من شان حبك جميل الصبر باذله=حتى ولو فاتني بقول مافاتي
ان كان حبي بقلبك بانيٍ فله=عندي غرامك مبني له عماراتي
الشوق سكانها والشعر عبدٍ له=يامر ولامره يجيه الرد ببياتي
الشعر وصفك من الاعماق يستله=ويبين حسنك لمن يقرا كتاباتي
لاتحرق القلب بالاشواق وتذله=راجع حسابك قبل لاسحب ملفاتي
تراي شهم وكريم وادمح الزله=واخاف من خالقي رب السمواتي
صادق بقولي ولي مذهب ولي مله=ماخاف غير الولي رب البرياتي
ماني من اللي يجي في هرجته خله=اعدل المايله واقدم ولاحاتي
ماقول ابنساك لاوالله لاوالله=لكن تبيّح كنيني عقب مسكاتي
تميت قافٍ عساه لريقك يبله=عساه ينبيك عن خافي معاناتي[/poem]