جوووووور الوليف ؟؟؟؟؟؟؟؟؟

[الذويبي العتيبي]

احبتي فالله

السلام عليكم ورحمة الله وبركاته

قد تكون هذه اول مشاركه لي معكم واخترتها

من قصائدي لعلها تروق لذائقتكم وهي تعبر عن

نفسها 0 مع العلم ان الوقت لدي ضيق والمفروض

اداعبكم بقصيده اشكركم فيها على حسن الاستقبال

وهي فالطريق ان شاء الله

[frame="8 80"]جــور الوليف
ياجـيـب أبا اتـلك وأبا اطوي مســــافات
تـكـفـى تـــطــاوعــني عــلى ماطـــرالي

انــتـه خــوي الجــنــب مافــيـك شــكات
تــقــدر تـعـــوم إجْـــبالــــها والــرمـالي

مايـعـســـرك ياجيـب صـعـْـب المــلفـات
والـيـا نـويـت الــصـدق تــرقــا الجـبالي

هي هات لو تدري عن الشوق هي هات
لـــوكــان تـــدري بالخـــطـر ماتــبــالي

شـف حالي اللي فــيه للظــلـم بـصـْـمات
وجـــور الولـيـف اللـي رجيت ورجالي

ابـكي ظـروف الـبعــد حســره ولوعات
شــخـص وحـولـي ناس كــنـّـي لحــالي

يـســـري بي الهاجــوس روحـه وجيّات
وامـشـي عـلى كـيـف الصـبا والعــوالي

انا ادري ان الصـبـر للـحـــر عـــــادات
لـكـن طــول الصـبـر جــــّر الــهـــوالي

لـيـت الغــلا لاصـار يـكـتـب وقــوعات
عـلى الــورق يـكـتــب وســرعـه يزالي

مـيـر الغــلا مـــوتٍ يـدمّــر جـمــاعـات
وإي حـطّــم احـــلام ٍ بـنـتــها اللـــيــالي

نـــاره حــطــبـهـا من ظـلــوع ٍ حـنـيات
مـاتـنـطـفـي لـو هــلْ مــزن الـخــيــالي

كـم عــاشـق ٍ يـذرف من العـيـن دمعات
ودّهْ يــزيــل إلْ جـــرحْ مـــالـــه زوالي

واللــه لـو مـكـتـب كــلــيـمـات وابـيـات
لـصيح باعْـلى الصـوت وارمي عــقالي

لــكـن ابــا ارجـي مـن يـمــدْ الـعـطـيات
الــواحـد الــمـعـــبــود راع الـجــلالـــي

يـشــفي جـروح فـالضـمـايـر عـمـيـقات
ويـغـفـر ذنــوبي قـبــل اشـــــد الرحالي[/frame]


اخوكم الذويبي العتيبي