مبسمه كله عسل

[ماجد الشغار]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
انا لوحيت الربابه وجرات السبيب=راح فكري مع حبيبً هبل قلبي هبل
مبسمه كله عسل مدري سكر مع حليب=در بكرً مارعت غير صفار وربل
دقني برمحً مثل رمح ابن حجنه شبيب=غير اوضاعي وضيق علي كل السبل
يوم حبه قام يدبي مع عضامي دبيب=اعتزلت عن الخلايق وعانقت الابل
من يعالجني تراني مريض بلا طبيب=ياخذ اجري ويضمن الاجر من ربي دبل
جيت ابالي منه حاجه واثر مالي نصيب =بغى بغى مار دونه عرض مثل الجبل
عسى والله من عرض لي يزور ابوغريب=يلقى حتفه والا تشنق رقبته في حبل
يامحمد يوم مالي رفيق ولا صحيب=غير حاول فامري اللي عسرني من قبل
منهم اللي قال خله تبى تلقى حبيب=مادر ان الله جبلني على حبه جبل
ومنهم اللي قال خل الهوى عنك وتطيب=مايعرض نفسه التهلكه غير الخبل
ولو رميت اله العمامه وشاف الراس شيب=اما شيب والا شاف الفكاير وانهبل[/poem]


[align=center]ماجد الشغار[/align]