قصيدة قديمه للملك فهد يرحمه الله

[إبن ثعلي]

هذه قصيدة قديمة للملك فهد طيب الله ثراه عام 1385هـ عندما كان في الخارج في رحله علاجيه و يسندها للامير فهد بن سعد

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يابو سعد صارت على اخوك غارات= شهرين اقاسي مـن شديـد الغرابيـل
سو المرض يحمل على اخوك حملات= مافي يدي حيله ولا في يـدي حيـل
والله فزع من فوق سبـع السمـاوات= وانا احمد الله يوم صـارت تساهيـل
ماينفع الخايـف والايـام عجـلات= الخوف ماينفـع ولا القـول والقيـل
حنا هل العوجـا ولا بـه مـراوات= شرب المصايب مثل شرب الفناجيـل
لاشك انا مشغول في كـل الاوقـات= على الـذي حنـا بظلـه رجاجيـل
ماني على نفسـي كثيـر الحسافـات= لاسلم راسه روسنـا فوق بالحيـل
حامـي حمانـا بالليالـي المخيفـات= لو صـار بالعالـم كثيـر الزلازيـل
فخر العروبـه بالعـدل والمسـاوات= هذاك هو فيصـل ولا فيـه تشكيـل
يشهد له اللـي شاهـدوا منـه ليـات= ويشهد له التاريخ جيـل بعـد جيـل[/poem]