مكسور قلبي واجمّع في حطام الحطام ؟؟

[قناص]

[align=center]


أبو يزيد

[poem=font="Arial,5,teal,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ما عندي الا مثل ما تريد يا بو يزيد= وماعندك الا مثل ما اشوف حلو الكلام

يا مرحبا بالرسايل جاتني بالبريد = ترحيبةٍ قالها قلبي وعيا ينام

يا ليتني معكم الليلة ولاني وحيد =ونجدد الماضي اللي قبل عشرة عوام

يوم الاخوّة معانيها تفل الحديد= هذا سلاح لولد عمه والآخر حزام

أنتم هل الطيب شايبكم وحتى الوليد = الرجل منكم ليا جات اللوازم حسام

وأنا عن الشعر لي مدة وشوقي جديد= مكسور قلبي واجمّع في حطام الحطام

واقف على الدرب لا شاطر ولاني بليد = ما اعرف تفاصيل معناها وفهمي تمام !!

المشكلة والمصيبة والكلام الأكيد =إن العرب قل فيها الذوق والاحترام

لاحتجت للصاحب اللي تحسب إنه عضيد = اقفى وخلاك فالطابور حسب النظام

إن جيت تكرم ردي الفعل ما تستفيد = وإن جيت تجزيه بافعاله ذكرت الملام

والعاقل اللي يميز زولها من بعيد = والهرجة المخطية ما يفلت الها الخطام

وما كل رأيٍ نفكر فيه يطلع سديد = وما كل شخصٍ نبا نرضيه يرضى قوام

وأنا تراني ليا شبيت نار القصيد = أنضجت جلد المعاني واللحم والعظام

بقول قول اختصر فيه الزمان العنيد = وبعض البشر يمكن يمره مرور الكرام

من يوم شاب الجمل قامت حموله تزيد = والنخله اللي جرفها السيل راحت عدام

دنيا تشقلب مباديها على ما تريد = حتى الصقور الجريحة صنفوها حمام[/poem]


قناص العتيبي [/align]