سجين سعودي تخرجه قصيدة أمه
--------------------------------------------------------------------------------
سجين سعودي تخرجه قصيدة أمه الموجهة إلى الملك عبد الله
تكفا يا ابو متعب مقرّ الشهامـه الحيل واهن والزمـن مبتلينـي
قصيدة والدته في جريدة الوطـن أثارت ردود أفعال بين أوساط المجتمعين السعودي والبحريني
إطلاق سراح سجين سعودي في البحرين
إثر تدخل خادم الحرمين الشريفين الملك عبدالله بن عبدالعزيز شخصياً
السلام عليكم ورحمة الله وبركاته
الدمام: سفر العزمان
علمت "الوطن" أن خادم الحرمين الشريفين الملك عبدالله بن عبدالعزيز تدخل شخصياً في قضية السجين السعودي "فيصل" في البحرين ما أسفر عن إنهاء القضية وإطلاق سراحه خلال أيام في الوقت الذي عبرت أسرة السجين عن عظيم امتنانها لخادم الحرمين الشريفين على وقفاته المتكررة والمشرفة مع مواطنيه جميعا. وقد تدخل خادم الحرمين الشريفين الملك عبدالله وأصدر أوامره بمتابعة القضية من قبل الأمير محمد بن فهد أمير الشرقية. يذكر أن السجين (فيصل) من خريجي جامعة الملك فهد للبترول والمعادن وحاصل على مرتبة الشرف و يواصل دراسة الماجستير في جامعة البحرين.
وهذه هي القصيدة اللي كتبتها أم السجين
غيري ينام ومهتني في منامـه ** وانا لذيذ النوم مـازار عينـي
سهرانةٍ والليل مُوحش ظلامـه ** يجمع لي احزاني ويدعي ونيني
ولّيت ياليل الأسـى والندامـه ** همّك توَطانـي وبيّـح كنينـي
أبغا السلامه بس وين السلامه ** عيني تشوف وقاصراتٍ يديني
غيّب ضناي وغابت الإبتسامـه ** حُكم المقدّر حال بينـه وبينـي
سجين ماأشوفه ولا أسمع كلامه ** ماغير طيفه كل لحظه يجينـي
والسجن في الغربه يهز الكرامه ** ياحرّ كبدي بعد فرقـا ضنينـي
وين انت ياللي تستحق الزعامه ** يافزعة المضهود نعم العوينـي
ياخادم البيتين فخـر الإمامـه ** حبل الرجا ممدود بينك وبينـي
أجبر كسر قلبي وحقق مرامـه ** أفزع فديتك تكسب الأجر فينـي
تكفا ياابو متعب مقرّ الشهامـه ** الحيل واهن والزمـن مبتلينـي
قلبي ورا قضبان سجن المنامه ردّه عليّ تزين باقـي سنينـي
*
*
*
منقووول
| 
|
04-03-2007, 05:14 AM
المواضيع المتشابهه
العرض الشجري