بين الشيخي وعبدالواحد الزهراني..

[فهد الزهراني]

محاورة نقلتها لكم اتمنى تحوز على راضاكم..
بين الشاعر الشاب ابراهيم الشيخي الزهراني
وعبدالواحد بن سعود الزهراني


الشيخي
سلام ومرحبا والبال صافي والبـرا مـردود
بردّيـة وفــا فيـهـا النـفـل والشـيـح والـكـادي
من أول يوم نسمع بسم عبدالواحد ابن سعود
نقـف لـه كلنـا واليـوم عـادي والإسـم عـادي

عبدالواحد
هلا مليون ممزوجة بريح المستكا والعود
بعون الله وباسم الله ويالله والله البادي
أنا موجود واللي يعتبرني ماني بموجود
يدورني عبث في مملكة عاد بن شدادي

الشيخي
هنا تحذير:لاتفهم غلط بـاب الغلـط مسـدود
على قول المثل فوق الشفـا تسعيـن نقـادي
وجودك دون مايلفت نظر مايبلغ المقصود
واظنك بين ضد وضد ماجمعت الاضدادي

عبدالواحد
أنا فاهم غلط ؟ فاهم غلط مير الخطا مردود
من التسعين نقاد اعتبر سبعين حسادي
أنا موجود فعلا لكن العالم هو المفقود
غريب وراس مالي حفنة من تربة بلادي

الشيخي
فــداك الأولــة والثانـيـة والـلــي بـعـدهـا زود
مجاديفك تخض الحبر رغـم ان البحـر هـادي
ترى مانته محصل في الفضا عالم بدون حدود
يرغّبـك الجـبـل لـكـن يخـلـف ظـنـك الــوادي

عبدالواحد
فداي الافديت اللي يطفي النار بالبارود
ويسكب دم أبوه ويشربه من عنق برادي
أنا كنت أكبر أخواني وما زلت آخر العنقود
أدخل جدي أفضل مدرسة وأقوم لأحفادي

الشيخي
كثير النـاس تعـرف قصـة ابراهيـم والنمـرود
ولكن هـد مـن روعـك وغيـر موجـة الـرادي
عسى الله لايشرهني من اخوانك وابوك العود
تسبـبـت بوفـاتـك والسـبـب تـاريــخ مـيــلادي

عبدالواحد
سمعت بقصة النمرود لكن بعد ناقة هود
ذبحها واحد مطفوق ما يحسب لها حادي
تدور الأرض عكس ويصبح الطارد هو المطرود
ويسجن حضرة السجان والصياد ينصادي

الشيخي
انا بانشدك وش جابك لذاك المجمع المشهود
عشان الفايـدة والا عشـان الملـح والـزادي؟
نعم ربـك كثيـر وكـل راعـي نعمـةٍ محسـود
جرحت الحنجرة لاعاد ترفع صوت وتنـادي

عبدالواحد
نسيت المجمع المشهود لكن يا عساه يعود
لأرد الصاع مية صاع وأكثر وأقدح زنادي
خطاي اني حضنت الحية اللي ذيلها معقود
ولكن ما فطنت الا وهي تنهش من أكبادي


ابراهيم
وصولك عند من لايرغبك عرّضك للمنقـود
قفل في وجهـك البيبـان مـن كثـر التـردادي
ترى القانون مايحمي المغفّل والنقا مجـرود
مصيبتك انك ابيض قلب ماتعرف من تعادي

عبدالواحد

عساها بالدمار القلعة اللي بابها مرصود
بنوها للغراب وطاح فيها البلبل الشادي
بياض القلب الابيض يتضح بين القلوب السود
دخيلك لا تعزيني ترا اليوم أجمل أعيادي


المحاورة تمت الاثنين 22-2-14218 في منتدى تواصل زهران