قم يا قلم ( مصافحه جديده )

[خالد الشيباني ا]

السلام عليكم

هذه احدى قصائدي واتمنى لها ان تحوز على اعجابكم

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قم ياقلم شاركني الهم كله=انته رفيقي لاظلمن الليالي
في خطك الواضح ثمانين عله=بافكار قلبي وانت عالم بحالي
اكتب لاعز الناس وارجوك قله=ياليت يدري عن عذاب جرالي
قل له عشيرك مارضى بالمذله=له عزتن في النفس مثل الجبالي
سيف الكرامه في المحبه يسله=ينهان حبه مير تلقاه عالي
من كثر صبره صار صبره يمله=دايم طموحه في غرامك خيالي
ياما رقى باعلى الرجوم المطله=يقصد قصيده فيك تالي الليالي
غيرك مايعشق في المخاليق للـه=ومن زود حبك صاب عقله هبالي
هذا عذابه وانت قادر تحله=ارفق عليه ولاتزيد الجدالي
ياليت يسمع بيتي لامن وصله=كل خوفي انه مايلقيه بالي
يفوح قلبي بالهوى فوح دله=وتبكيني الذكرى ليامن طرالي
ياليتها بكيفي ثم اصير ظله=واتبع عديل الروح شرق وشمالي
عزاه للي في الهوى ضاع خله=تقطعن دونه جميع الحبالي
انا اشهد ان الحب مافيه مله=اوقع ضحايا عد حب الرمالي[/poem]