الرفقه اللي بدون أخلاص

[القووووبع]

[poem=font="Simplified Arabic,4,darkblue,bold,italic" bkcolor="tomato" bkimage="../backgrounds/24.gif" border="double,4,gray" type=0 line=0 align=center use=ex num="0,black"]
الرفقه اللي بدون أخلاص مبنيـه=الله يقطـع علاقتهـا وينهيـهـا
لاصار الي صاحبن مايخلص النيه=الا على مصلحـه مبغـاه يبنيهـا
رفقه هل المصلحه ماهيب وديـه=لابـد ماتنكشـف ويبيـن تاليهـا
تحمل معاني كذب فالقلب مخفيـه=ولو ان ظاهرها من الصدق مابيها
مادام تبنى بدون أخلاص ملغيـه=هاذي بدايتهـا وينعـاف باقيهـا
والرفقه اللي كذا ماهيـب عاديـه=ولاني بمرتاح مره ليـن أخليهـا
وأستبدل الرفقه برفقـه حقيقيـه=مع ناس والله تقدر من يخاويهـا
ناسن على الاخلاص واقلوبها حيه=والقلب يرتاح يوم يحـل طاريهـا
رفقه نشاما على ماقيل مشريـه=من الوفاء والصدق تبدا معانيهـا
والرفقه اللي بدون اخلاص ملغيه=وأعيش مرتاح يومنـي مخليهـا [/poem]