قـــصــيده فــــي مــــدح عـــتيبه وان شالله تعجبكم

[ابوقبلان]

هاضني كلام البجادي يوم غنابه 000 وكلن يبا مثل ماغنى يغنيبه


قولن يهز الجبل واهتزت أهضابه000 ويستاهل اللي تقول فيه ياصحيبه


وصح الكلام وصحيح وعاش من جابه 000 في مدح مزبن خويه لاعوى ذيبه

مزبن خويه ومزبن من تجدابه 000 وفي مايسره يحل العقد ويجيبه


هذاك ابو بدر مزبن من تعزوابه 000 لا جاء نهاراً يخلي الصاحب أصحيبه


ولا جاء نهار يعاف الحق طلابه 000 هذاك يومه اذا خلوه أصاحيبه


يومه ويوم الرفيق اذا كلح نابه 000 لا صاح من ضد يوم اعداه وأعديبه


النادر اللي يصيد الصيد مخلابه 000 نادر حرار عطيبات مضاريبه


نادر حرار الاجاء الجول واثعابه 000 ماناش ماعاش من صفقة مخاليبه


شيخ خذاء الطيب من راسه ومن لابه 000 ومن راس جده وراس ابوه ياطيبه


أخوان شرعا لغالي الروح جلابه000اذا جاء نهاراً تعوذ منه اصاعيبه


اذا جاء نهاراً يشيب راس شبابه000ويشيب منه الرضيع ومن مشاهيبه


شيوخ خذوها بيوم شاب مشهابه000في ماقفٍ من حضر يومه يهذريبه



وشيوخ من يوم خلي نجد لعتابه000ما أخذ الامارة محافظ من معازيبه


أخذ الأماره من اللي جاب من جابه000يوم الأمارة لها وقفات وصعيبه


وقفاتها اللي ضرب بالسيف ونصابه000مقبض يمينه وحد السيف يهويبه



لين انكسر في يمين الشيخ مقضابه000عن روس شمر تكسر يوم يوميبه



وهذال يومه على الدوشان يدعابه000مايندعيبه وبعض الناس يدعيبه


يوم ان غضيب يزوغ العقل ضبضابه000عج الرمك وأشهب البارود يوضيبه


وسمي المباحيص دربه يوم عشابه000وخلا طعوس الزبار يساوي شعيبه


وصبح زعيم العموم مطير ماهابه000وحول بيته وخلى من مواجيبه


واخذوا ثياب البكار الشقح بأسبابه000وهذا جزله وماسواه سويبه


واشتال بيت الدويش اللي يحلابه000 لين دق في نجد اخو هملاء مناسيبه


وهذا جزاء من فعله فعل يجزابه 000 يجزاء بمثله ومع مثله نثاريبه



وهذي أفعال أجداد الشيخ وأحبابه000واللي مشوبه خذاه ومعه يمشيبه



اخذ الظفر والسخاء ومشرع بابه 000 ويضحك حجاجه ومن زاره يهليبه



ومعه شريف المراجل ويتمشابه000ويمشي على خط ابوه وراكبن جيبه


ولولا الزعل كان أبو بدر يحكابه000 ومن مطلع الشمس للمغرب نماريبه


ويستاهل المدح ياسلطان كسابه 000 وحقك علي اذكر المعروف واثنيبه


وقولي وماقلت في أبن فهيد يلقي به000والصدق يبقى وراعي الكذب يهويبه


وياشيخ ضني غدا لابليس ملعابه 000 طواري ابليس تقبلبه وتقفيبه


وبعض الطواري تصيب وبعض كذابه 000 تبيه مثل المدور ذاك لذهيبه

والعام ضني عزيز وتضحك انيابه 000 واليوم ضاعن هقواته من الهيبه


وش السبب يامزبن من تلجابه 000 لونس من الوقت ميلاته وتعذيبه


وتم الكلام الصحيح وماتسلابه 000 واللي له شهود ماتدري عواقيبه