سفير الهم ...

[فهد العصيمي]

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
سفير الهم والغربـة سفيـر البعـد والترحـال=سفير ودولتي حزني وأفاوض دولـة أفراحـي
ووادي الضيم منزالي ووابل حسرتـي ينهـال=على يابس معاليقي وبـرق الزعزعـه لاحـي
الا يـا درب منجاتـي أبيـك تمدنـي بحبـال=مدام إن الفرح يغرق وسال الضيـم وإجتاحـي
بعد ما ماتت الفرحة وصارت بالهجير الـلال=تغنيلـي غرابيلـي وألاعبـهـا بمسبـاحـي
رضيت بواقع ٍ يفرض وجوده لو نقول محـال=لإنه صار يتساوى سكوتي وزعجت صياحـي
تعودنا أنا وقلبي على حمـل العنـا لـو طـال=ولا نشكي ولا نبكـي ولاسـدي بعـد باحـي
ولكـن قلبـي الليّـن إذا هبـت هبايـب مـال=وانا هاقي يجسّرني اذا عزم الصبـر طاحـي
يقول أشياء ماشيفت ويشوف أشياء مـا تنقـال=إذا ما نارت أنوار الشمـوع ووردنـا فاحـي
وأنا ماني على العادة وأشوف اهوال فوق اهوال=ولكن لا حصلت فرصة أعرف أقيـم أرباحـي
الاقي فرحة ايامي و اعيش الحـب و الامـال=غنادير ٍ يداوي شوفهـن همـي مـع جراحـي
وهن ما هن بنات السوق من البدله على البنطال=ولا هن عارضات أزيا لهن جيّـه ومرواحـي
حشيمات النسب والدين والعفـة لهـن مدهـال=أصايل ما يروضها سـوا عاقـل ومنصاحـي
وأنا قد شفت لي منهـن جميلـة زينهـا قتـال=بلاني الله يوم انـه نـوى بالزيـن مطراحـي
سبايب ريح يطرقها وبانت لي خفايـا الشـال=جديل ٍ فوق الامتاني تلاعـب فيـه الارياحـي
فديت العين والحاجب فديت السـاق والخلخـال=فداها من هجع ليلهوعـاش العمـر مرتاحـي
ولولا السلم و العـاده ولـولا كلمـة ٍ تنقـال=لعلمها بشوق ٍ فـي عيونـي بـات فضّاحـي
ولكن التغلي مشكلـه صعبـه علـى الحـلال=ولا عين ٍ تبي شوفك ولا سمـع ٍ يبـا ياحـي
و أنا أذكر حكمة العاقل ترى طرد المقفي هبال=وعين ٍ ما تبي عيني عساها الطامـس الماحـي[/poem]