حليبها شربه على الكبد حالي

[شجاع الأكلبي]

إليكم ولكم الحكم



صوت الشاعر مشبب العاصمي
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
لا اشتاق قلبي للرجال المناعير=يطري شجاع الأكلبي في خيالي
سيفٍ تسلسل من سيوفٍ بواتير=عوق الخصوم ومحتمين التوالي
ضيوفهم بالعسر مثل الطوابير=كسابة الطالات في كل حالي
شيدت له بالصدر حشمة وتقدير=كنّه جبل شمرخ بوسط الجبالي
اطلب عسا ربي يمسيه بالخير=ويدوم خيره من عزيز الجلالي
يابو عمر بعطيك موجز وتقرير=باللي حصل بالحال واللي جرالي
الحال مزري كن باعضاه تخدير=واللي جرالي منه واعزتالي
ما اشكي عليك الحب ولاّ الغنادير=هذا مجالٍ ما يناسب مجالي
ولاشكي عليك القرش ويّا الدنانير=انا احمد اللي مجزلٍ بالعطا لي
مشكاي وقتٍ حاصلٍ فيه تغيير=عاليه يوطا والوطا فيه عالي
جانا زمان الدندنه والمزامير=وروح زمان متيهين الغوالي
على زمانٍ راح ذقت التحاسير=ومن وقتنا ذا ضاق فيه احتمالي
لامن طرالي أشغلني التفاكير =أوّاه ياوجدي ويابري حالي
راحت سلوم الطيب باسباب تطوير=راحت معا من راح ياهملالي
ما عم انا بالذم وسط التعابير=لا شك يوجد في زمنا الرجالي
لكن قليل وباقي الخلق ما غير=ازوال تعرف بالشمغ والعقالي
والقلب من شكواه جا فيه تاثير=حتى معا الشكوى يزيد انفعالي
ارجوا المعذره يا زبون المخاسير=هذا طرف همٍ سهرته ليالي
وليا لقيت القاف جا فيه تقصير=عزاي بانه عبر اللي طرالي
وختامها صلوا على معلم الخير=مرسي حدود الله وصحبه والآلي [/poem]


صدى شجاع بن عمر الأكلبي
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
يامرحباً وعداد وبل الشخاتير=وبلٍ يهله مدلهم الخيالي

ترحيبة أحلى من حليب المصاغير=لا روحوها من خضار المفالي

زودٍ على ذالك هجالٍ وأباكير=حليبها شربه على الكبد حالي

ذودٍ مجاهيمٍ وذودٍ مغاتير=شرواك أهلها من قروم العيالي

وأطيب من الغالي بسوق العطاطير=يشريه كفوٍ ماحسب للريالي

بك ياعريب الساس وافي المحاظير=نسل الرجال اللي تعن الكحالي

يومنها بالفعل ومناطح الغير=بالعصر الأول تنزلون الطوالي

منزالكم في نجد نابي الأباهير=منزال عزٍ مايجي بالسهالي

أبو فهد ريف الجياع المعاسير=لا جوه ينثر ما معه مايبالي

له مجلسٍ مافاختوه الخطاطير=ولا ذكر يوم من المسايير خالي

يلقى شحم حيلٍ ويلقى مباهير=وتلقى السوالف والعلوم الجزالي

فيا العاصمي وإن كان تشكي التغايير=من وقتك اللي صار فيه إختلالي

فالوقت هذا فيه عمي ومباصير=ولا حدٍ يقول إنه عن الدرب مالي

نعمه وأمان ومكل خسٍ وجرجير=وكلٍ يقول إنه ذياب الهلالي

والطيب وأهله مثل شوف المخاضير=شفاقةٍ لمتيهين الحلالي

فإن كان تبغي الشور فاسمع وأنا أشير=جنب مجالس عاشقين الهزالي

اللي على النمات تعطي التباشير=أهل الوبا مابين قيلٍ وقالي

وأحذر من اللي رفقته ضحك ماغير=وإن مال حملك مارتكاله وشالي

رفقة صحن ولسان وضحي وعصير=ولا ظلم عليك الليل خيّر وحالي

هذي نصيحة واحدٍ فيه تقصير=ويارب لا تكشف لخلقك خمالي

وصلاة ربي عد ماغرد الطير=على الرسول اللي لفا بالعدالي[/poem]