ويـــن أنــــت ؟ ياللـــي غـــلاك القلــب مــدهالـــه .. !؟

[هـيـبـة الصـمـت]

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

البارحه طـارى الذكـرى ومرسالـه=طيفٍ اجمـع شتاتـي لـه وبعثرّنـي
في غربـة الليـل والافكـار رحالـه =مدري ؟ وش اللي لمس جرحي وذكرّني
مع طيش الاحزان ضعت وحالتي حاله =وآخاف حزني مـن أفراقـك يغيرّنـي
غنـا حزيـن الفـؤاد وجـر مـوالـه =والحزن خبره وقـلّ الحـظ خابرنـي
أبطيـت أدور وصالـك وأتحـرالـه =وأنته على الصد والهجـران عاسرّنـي
وين أنت ؟ ياللي غلاك القلب مدهالـه =أصغّـر البعـد وسنينـي تكبـرّنـي
دورات الايــام عـقّـاده وحـلاّلـه =اسايـر الوقـت وأقـداره تسيـرّنـي
تصدق ؟ إن الظـروف أحيـان قتالـه =تختار وصلـك وهجـرك ماتخيرّنـي
واللي طعـن هالصميـم وزاد غربالـه =إنك مـع الوقـت ضـدي ماتعبرّنـي
وشلون ماجيت فـي بالـك ولا بالـه =ولافيكم اللي علـى الفرقـا مشاورّنـي
أحييت فيك الشعـور ورحـت تغتالـه =ياكبرهـا منـك وأنـا الله يصبرّنـي
عـاد المقاديـر رجلـيّـه وخيـالـه =تكسرك الايـام وشموخـي يجبرّنـي



[/poem]

[align=center]
لـ / سعد العازمي [/align]