البـــــــــارح ؟

[قناص]

[align=center]البـــارح


[poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
البارح الليل أوله غافي وتاليه استفاق = سرى خفوقي مع هواجيسه و عييت أستريح

جاني يذكرني بشيٍ قد جرى لي ما يطاق = جاني وأنا بين المواجع شايلٍ همي جريح

قلت الله اكبر ما تشوف الحال يا مال الفراق = صحيح لا طاح الجمل كثرت سكاكينه صحيح

اليوم ما لي فالعر ب صاحب ولا حتى نفاق = واللي من أول مشتريني باع والمكسب شحيح

ما كني ألا هاربٍ مكسور مشدود الوثاق = أقوم ثم أطيح ثم أقوم ثم أزيد أطيح

يا ليتني يوم اشتهيت أبكي وضاق الصدر ضاق = خليتها بين المشاعر ذي توّن وذي تصيح

ما ابحت سدي لين زدت الهم فوق الطاق ... طاق = هذا نسي وجهي والآخر يوم يلقاني يشيح

وأنا من رجالٍ لهم مع عزة النفس اتفاق = جدي وعماني وابوي أهل الشجاعة والمديح

والله لو إن الموت قدامي معانقني عناق = ما أصافح الكف الردي ولا امدح الوجه القبيح

واليا أصبحت كل الدروب أشواك وأيامي سباق = يا كم تعثر من شجاع وكم تلعثم من فصيح[/poem]


فهد موسى العتيبي [/align]