جــلدنا رقــاب الترك بالسيف دونها!!

[القوبع العضياني]

مقطع من قصيدة أشبه ما تكون بقصائد بني هلال لشاعر العضيان وعتيبه الكبير الشاعر شباب بن فايح القوبع وهو يذكر فيها كيف حافظ العضيان على اباعرهم وكيف أذهبوا الترك لاجلها ويمدح شيوخ العضيان الضيطه اخوان نوره ويمدح الشغاغره اخوان هيا

[poem=font="Simplified Arabic,6,darkblue,bold,normal" bkcolor="skyblue" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
جلدنا رقاب الترك بالسيف دونها =تسعين من غير الصوايب شهيدها

من كف مسطورن يروي مغالبه = يلوع السرب لوع النداوي لصيدها

شالح مروي فاللقا مرهف القنا = ليا جات دقلات الجموع بحشيدها

وعقبه سلاطينن تولوا زعامته = بنو صروح المجد فا على مزيدها

بالود وصنيتان ذيب السرايا = نقاظ مايفتل وفتال قيدها

يردون له بالراي في ساعة الكرب = رايه ليا عمسن الاريا سديدها

مزحم وسود الغاب لطامة العدا = هو شيخها يوم القدايم وسيدها

سمووه في حل المشاكل مساوي = ينال من حسن المكارم حميدها

ومارق معش الطير من عيل العدا = كم سربتن بالسيف جندل عميدها

خيال عفرن ما يذير نشيرها = تر عابه الدار المخيفه بتيدها

مرباعها الصمان والشعب عدها = ويهابها الطماع لوهو يريدها

وأخوان هيا اللي رفيعن مقامهم = نسل الحرار اللي ينومس هديدها

خذو بطول الباع من منهل الشرف = ويردون بكبود الزناعيف كيدها

ذكرت من روس الحموله شيوخها = بالاختصار ولاحصيت تعديدها

اولاد عاضي ذخر غصاب لابتي = مثل الحيود اللي عميقن سديدها

عوارف ويعطون العوارف حقوقهم = وعيال للعيال تلطم نكيدها

خذوا من المجد المورخ صدارته = صحايفن ماض الدهر ما يبيدها[/poem]