اقل مااقدمه كشاعر لقبيلة عتيبه ولاابنها يوسف العصيمي هذه المجاراه المتواضعه لقصيدته السابقه
خباث الدغايل ظلمهـم مايغـط النـور
يعيش ابن عاصم ويهبى مجلس الشوره
طلعت ابياض الوجه ومجمل ومشكـور
ومنصور وعتيبه عزيـزه ومنصـوره
ولاهمنا( شكرا ياروضه) و(ابو جرجور)
(ومافيك حيله) دافـن الضيـم بقبـوره
(ورادارهم) مكسور ويجر لـه حنطـور
عليه( اخطبوط الفلسفه) دار لـه دوره
كبر مقتهم والاصغر واستشاطوا جـور
يشيل الردي بيديـه ماخـط طبشـوره
مادام النزاهه عندهـم دمهـا مهـدور
ونياتهـم بالجـور والغـدر مضمـوره
عليهم عليهم يرجعن العمـي والعـور
تتـالا وعيـن الغدربالحـق مكسـوره
لهم عندنا وسم العصيمي على الخنفور
تدهج بسمٍ يبطـي وتبطـي عصـوره
والى ياوريث الشيخ زايد حكيم الشـور
لياصار وانـك وارثٍ عرفـه وشـوره
يدلك..وتاخذ موقـف وتنقـذ الماثـور
من ايد الضياع اللي مسكته بحنجـوره
ترا الشعر من حـادوره الاول بحـادور
تجدد صوابه وانـت موتـه ودكتـوره
ولن مات باسبابك ترا منتـه بمعـذور
عليك الملام تخـط الاقـلام بسطـوره
عبيد المصالح فكرهم حاقـد وماجـور
وراياتهم بالكـذب والـزور منشـوره
يشوفون يوم انا ليوسف نمـد جسـور
وقامت تزوم كبودهم غبـن وحـروره
كبر..هم.. خيبتهم وخافو عليه يغـور
طمرهم محيطٍ يغـرق الارض مجـروره
على العز ياربعي عتيبه جبـل معمـور
تعداه ريـح الغـدر ماتجـرح شعـوره
واصلي واسلم ماترد الـورود صـدور
ولاهيب مـن ذكـر الله تقـال مبتـوره
نايف ابن حديد
| 
|
03-12-2007, 10:02 PM
ولاهمنا( شكرا ياروضه) و(ابو جرجور) كووووي بشاعر المليون
المواضيع المتشابهه
العرض الشجري