ربعي عتيبه

[الحزيمي-3333]

[poem=font="Simplified Arabic,5,black,bold,normal" bkcolor="white" bkimage="" border="double,10,red" type=2 line=0 align=center use=ex num="0,black"]
زين نظم الشعر برجـال القبيلـه=من جبر وشيوخ حما يـة دبيلـه
ربعنا وشيوخنا وشيـوخ اهلنـا=من قديم الوقت وسنينـاً طويلـه
اسمنا عتيبه وماضينـا هـوازن=عزوة الهيـلاء مزبنـة الدخيلـه
قلتها شاعر ولي فالشعـر منهـج=آخذ الجـزلات وأكـب الهزيلـه
هاضت افكاري بجزلات المعانـي=سقتها سوق الركايـب بالدليلـه
سقتها من قلب ولسان وجـوارح=والقلم والحبر من دمـي فصيلـه
سقتها في مدح مبعـدة المعـادي=لابتـي ياحـي والله مـن قبيلـه
من جبال طويق لين تزور مكـه=ملكنا واللـي يبيهـا مستحيلـه
مانبي نسمـي وتكفينـا الدلايـل=يوم خشم الزند ويقـدح بالفتيلـه
دارنا تشهد علـى قـوة دحمنـا=نشرب القرهود من صاف الثميله
كم وكم ندحـم صناديـد القبايـل=والمثل معروف كلٍ لـه حصيلـه
وكم طرحنا في ثراها من مجووخ=تاكله سحم الضواري في الخميله
يوم حلوات اللبـن نتبـع هواهـا=دونها نفرق خليـلٍ عـن خليلـه
مرتع الخلفات غـربٍ والثنـادي=واسفل الوادي ليا سهرج مسيلـه
والهييشه وجبله وادنـا الردامـي=وشربي كبشان يا الملحا الجليلـه
واجنبي للهضب والصره وخنثـل=مـع مجاهيـمٍ مواطيهـا ثقيلـه
والشفاء لازان صيفه مـع بـراده=نسمته تشفي الصناديق العليلـه
عالية نجـد المسمـى والروابـي=قاف إبن عون العمى يكفي بقيلـه
يذكر المشقوق الأقصى والشمالي=والينوفي والدعيكه مـع سحيلـه
والقهب و شعيب زعب ولبت أجله=مدهل الملحا السنـاد المستطيلـه
مرتع المجهم طويـلات الغـوارب=من يفرط فـي غلاهـا عزتيلـه
يامحلـل كلمتـي دوك مغـزاهـا=إسمنا عتيبه مرويـت الصقيلـه
ماش لا روقـي ولا برقـاوي ألا=حربة وحده بوقـت الحنضليلـه
ماتفرقنـا الدعايـه والــدوادي=إيهبـون مفرقـة شمـل القبيلـه
والـولالله ثـم ورثـة مـعـزي=كاسبين المجد وخصـال النفيلـه
شجرة فيها ظـلال وفـي ذراهـا=يأمن الخايف على متاعه وكيلـه
أمنونـا وحكمـونـا بالعـدالـه=حكم شـرع الله مانبغـاء بديلـه
عهدنـا معهـم ولا والله نخونـه=ومن يبوق العهد يرضى بالفشيله
إنتها التعبير وانهيـت القوافـي=صغتها وانهيتها في ظرف ليلـه
بأول جماد الأخيره يـوم خمسـه=رحمتك ورضاك يامنش المخيلـه
والنهايـه نختتمهـا بالبـدايـه=زين نظم الشعر برجـال القبيلـه[/poem]
[align=center]الشاعرالقدير حويد بن حبيليص المرشدي[/align]