شـــق الـهــوب

[سعود القت]

[poem=font="Simplified Arabic,7,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
جرا ما جرا والعبد ماله عن المكتوب = وجور الدهر لاحق على النفس وانجحها
لبسني هزوع الجايره مثل لبس الثوب = ما قدّر لعين الشوح لو اني اشبحها
يورّد سهوم الحيف من كل نوع وصوب = سلب سلعة الشراي قدام مربحها
كبح للرها لين اصخف اللي يسد النوب = تخصاصه الشرهين ملزوم يكبحها
تدور الليالي والبشر غالب ومغلوب = وروسٍ تمسيها وروسٍ تصبحها
احد همه مع الوقت فالزاد والمشروب = واحد غاص غبات المراجل ويسبحها
واحد جات له لكن لبس ثوبها مقلوب = ولن كان ما احزنها فلاهو بمربحها
يغني هجينيه على طرقة المسحوب = ويخفي عبات الهون من تحت مشلحها
مثل نبتة البروّق ليا جالها نبنوب = تزيّن لكن الشمس تطلع وتلفحها
واحد هازها ويشوش ويقاوم اللاهوب = تمره ما يدري ويتغانم ويسنحها
تقاسيم رب العرش مير الليالي عوب = تعقد المنن للعبد والصبح تشرحها
ويامنكسٍ هامتك ياشاذب العرقوب = ترا كل من تشذبه خشتك يرمحها
تفاتخ بفمك اللي يشادي لشق الهوب = تعقب عباد الله علامك ما تنطحها[/poem]