ياليتني في روضة خريم ماجيت

[عبدالله المرشدي]

الجيديد آمل ان ينال رضاكم




[poem=font="Simplified Arabic,5,black,bold,normal" bkcolor="transparent" bkimage="backgrounds/17.gif" border="none,4,gray" type=2 line=0 align=center use=ex num="0,black"]
ياليتني في روضة خريم ماجيت=ولا صدفت الجادل اللي تمشّى
هاض الخفوق وقمت اجر التناهيت=باسباب غروٍ بالمفاتن تغشّى
حسنه يشتت من نظر فيه تشتيت=كنه يحش اقصى المعاليق حشّى
زينه من الله فيه ماهوب تثبيت=شين خفا والموت شيٍ تفشّى
ذكرني اللي شوت القلب تشويت=اللي تغدا بالخفوق وتعشّى
واصبح مقفي مادرا حي او ميت=ولاهتم في قلبٍ بحبه تحشّى
الفاتن اللي فتت القلب تفتيت=لين الخفوق بلاهب الشوق وشّى
قد قيل لي عن روضة خريم ماوحيت=قالوا ترا فيها الضبا ماتهشّى
يالتني ماجيتها اليوم ياليت=ولا صدفت الجادل اللي تمشّى[/poem]