هذه قصيده رد على الشاعر العراقي قناص بغداد

[حنين الماضي]

[align=center]هذه قصيده حزينه
للشاعر العراقي قناص بغداد

وعندما قرأتها تفاعلت معها

وقلت عدة أبيات لعلها تنال إستحسانكم

إليك قصيدة الشاعر الذي حرمه المرض من حبيبته

عوضه الله خيرها منها [/align]



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا اللي أحبك حب مـا حبـه انسـان=تدري قريـب تحيـن لحظـة وفاتـي

حبيبتك فـي دمهـا قالـوا سرطـان =ماعاد باقـي أيـام كثـر اللـي فاتـي

هـذي النتيجـه ماتبـي أي برهـان =هذا المـرض مالـه أبـد أي شفاتـي

مابي زيـاره منـك لا كنـت تعبـان =ما أبيـك تبكـي شوفتـي يـا دواتـي

أشوف نفسـي بالمرايـا و حزنـان =ياهو المـرض والله مسـوّي سواتـي

حزن ِ وألم مابيـن هاذيـك الأعيـان =كل من يجيني يقـول حانـت وفاتـي

شفت الزمن وشلـون سـوّا بانسـان =شفت الزمن وشلـون غيّـر صفاتـي

عرفت ليـه مـاودي تجينـي الآن ؟ =ماودي أكسـر خاطـرك يـا غناتـي

مابيك تتألـم علـى غصـن ذبـلان =هذا الزمـن طيّـح جميـع إزهراتـي

مدري علامه قاسي ٍ حيـل غضبـان = مـدري أنـا وش اقترفـت بحياتـي ؟

تدري أنا حزنـي تعـدى هالأكـوان =يمكـن وفاتـي رحمـة ٍٍ مـن حياتـي

أرجوك يا حلم ٍ بكيتـه مـن أزمـان =أبيك تسمع قبـل موتـي .. وصاتـي

أبي تقوّي قلبـك الحيـن يـا فـلان =أبيك تحضر يـوم دفنـي .. صلاتـي

أبيـك ترفعنـي لقـبـري بتحـنـان =وتحـب راسـي قبـل تدفـن رفاتـي

أبيك تحضنّي وأنـا وسـط الأكفـان =ثمّـن تنزّلنـي لقـبـري .. وأبـاتـي

يا اللي أحبك حيل يـا أعـز انسـان =أبـي لآخـر لحظـه أحـس بغلاتـي

ببكيك فـي قبـري ولانـي بنسيـان =اللي عطاني فـعز بـردي .. دفاتـي

عن طيبتك بحكي لرملـي والأكفـان =بخلـي اسمـك ينطقـنّـه حصـاتـي

بذكرك لو جسمي مع الرمل .. جثمان =ويا عل فـي الجنـه تكـون اللقاتـي

وفي زيارتك قبري أبي منك ألحـان= كني معاك أعيش يـا أجمـل غناتـي

وجب لي معك فل ٍ و ورد ٍ وريحان =لا لا تغـيـر عـادتـك ياحـيـاتـي

وأبيك باكـر تنشـر لموتـي إعـلان =تنعـي وفـاة الذاهبـه فـي إورقاتـي

أبيك تدعي الله يجـي منـه غفـران =أبيـك تدعـي لـي يعلّـي درجاتـي

هـذي حياتـي عشتهـا دوم تعبـان =يامـن يعزينـي بـمـوت أمنيـاتـي

هـذي القصيـده خطّهـا دم انسـان= هذي النهايـه .. وذي قصيـدة وفاتـي
[/poem]




[align=center]
وهذا ردي عليه لعله يحوز على إعجابكم وينال إستحسانكم[/align]
[poem=font="Simplified Arabic,5,black,bold,normal" bkcolor="transparent" bkimage="../backgrounds/17.gif" border="none,4,gray" type=2 line=0 align=center use=ex num="0,black"]
قناص وش وداك للحـب يافـلان =مالك ومـال بحـوره المضلماتـي
تعبت في ليلك وللصبـح سهـراان =تنظر نجوم الليـل وقـت المباتـي
أنا أشهد إن الحب يا خوي سلطان= مير أطلب المعبود حسـن الثباتـي
إلا طرى لك طارياً قـول غلطـان =حبيبتـي تنعـم مــع المترفـاتـي
في جنـةً مدخالهـا ثمـان بيبـان =تنعـم ومعهـا جملـة المومنـاتـي
وانته بعدها أنسى ولا تعيش حيران= أنسى وسلي خاطـرك بالصلاتـي
أفرح وخل العمر ياهيـه طربـان =أفـرح وعيـش أيامـك المقبلاتـي
ياهيه ياقناص كـان الهـوى كـان =وكنا مع الماضـي حنيـن ومهاتـي
سمعت قول فلان وسمعت لفـلان =وسجلت كل اللي كتـب بالدواتـي
حظرت زفافه وهو حيل زعـلان= يقـول لا لا تحظـريـن لوفـاتـي
قلت أصبر وخلك ثقيـلاً ومليـاان =عقلاًوحكمه مع حسيـن الصفاتـي
أما صبرت ونلت لا تصير عجلاان =وآلا خسرت اللي بقى مـن حياتـي
القلب في قربه محبـاًا وطربـان =حبه تمكـن فـي عروقـي وذاتـي
مرت بي الذكرى وقلبي لهـا لان =مشيت معهـا ليـن تهـت بحياتـي
المسعد اللي سا كناً وسـط لبنـان =عند الخوال وقبـل وقـت المماتـي
اللي حدوني عنه ذربيـن الإيمـان= الثوب مـا هـو ثوبنـا يـا غناتـي
مرت بي الذكرى سريعه بتحنـان =وشميت ريحه بأوسـط الذكريات[/poem]
[align=center]نشرت بتاريخ 22-12-2005 [/align]