صاحبي

[بن نابي]

[poem=font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
صاحبي اخذ الحزن من بين ضلعاني وشيله=طالبك داو الجروح وبعدها بعلن وفاتي
ما أبي دنيا بها كل الاماني مستحيله=مات حلمي وضاع عمري وتوني بأول حياتي
ضاعت الهقوات مني والاسى عيني تخيله=والجفا غيمة مواجع أمطرت وأزهر نباتي
والفكر تايه ولوعات الليالي له دليله=والليالي ماتقود الأدمي لدرب النجاتي
انكسر جذعي ولكن بقيت اغصاني ضليله=والدليل اني اموت ولحد يشوف عبراتي
لي عيون في طريق الحزن تسري كل ليله=تركب جناح السهر وتحوم بأجمل أمنياتي
طارت أسراب الاماني في مساريها الطويله=كل مسرى يودع الرغبات لحدود المماتي
ان نخيت الصبر قال الصبر ما باليد حيله=وان قضيت الليل دونه ملت الظلمه سكاتي
بي شبح موت ينادي بس ما ودي أجيله=خايف اني لا نصيته يبتعد من قبل لا اتي
وخايف انه لاسمع عن قصة العشق وقتيله =يقلب الدنيا من الضيقه على روس البناتي[/poem]