طحا اااااااااااااااااطيح رو ووووووووووووووقه

[عبدالله فيحان السميري]

[poem=font="Simplified Arabic,5,skyblue,normal,normal" bkcolor="purple" bkimage="" border="none,4,purple" type=2 line=0 align=center use=ex num="0,black"]
جعل الخيال الي تكاشـف بروقـه=المملكـه يسقـي ثراهـا سحابـه
ينشي مغيب وقـدرة الله تسوقـه=يحمل زضاه وخالي مـن عذابـه
يضفي على شبه الجزيره حقوقـه=نو ن خشومه تشتبك في عقابـه
ويصدق على نجد المطنخ صدوقه=تسيـل وديانـه ويـروى ترابـه
يقض رمله من طوارف عروقـه=وينزل خفاف الحصى من هضابـه
خمسة عشر ليله وتنتب طروقـه=والعشب يكسي بالخضار الدعابـه
تلقى البدو في نجد برقـا وروقـه=وخنذف ومعهم من قبايـل شبابـه
تشوفهـم كـلاً حلآلـه يسـوقـه=في روض أخضر يسعد اللي مشابه
كل بدوي يمشي على شف نوقـه=يتبع هوى أبله لو يطـول غيابـه
أبلـه مغاتيـراً نضرهـا تشوقـه=خوات أبـو واوصافهنـه تشابـه
وضح عليهـن الكبـود محروقـه=من دونها الرجال يرخص شبابـه
وضح على صوت الموده شفوقـه=ليا صاح راعيها يجيهـا طرابـه
واليا بطح ما حدً طمع في لحوقـه=مشيه يضيع هقـوة الـي هقابـه
وبقدرة الحـي العزيـز مخلوقـه=الحكي يعجـز وصفهـا ماوفابـه
والا مجاهيـمً كـلامـي تفـوقـه=اوصافهن سؤال من غيـر أجابـه
سـود تقـول أرقابهـن محلوقـه=ووجيههن تشبـه وجيـه الذيابـه
ليا أرزم جملها تجتمع ولف فوقـه=كن الفحل فالذود ريـس عصابـه
الضيف فأدناهـا يحصـل غبوقـه=عدايل الي جايـر الوقـت صابـه
عند البدو وأهل الحلال معشوقـه=دايـم وراعيهـا عزيـزً جنابـه
والامعه شعـلاً خطاهـا سبوقـه=مثل الذهـب والا عنـه بالنيابـه
أغلى من الدم الحمر في عروقـه=من دونها الموت الحمر مرحبابـه
مال الزبون بقيمة الشعـل طوقـه=مثمونهـا كـل الزبايـن تهابـه
كسبان راعيها وربحـان سوقـه=يحسب حساب أبله ويحسب حسابه
كم شاعرً منهـا تحـرك خفوقـه=نالت أستحسانه ونالـت أعجابـه
والا بذودً صفر وأبسـط حقوقـه=للمركـز الأول يـتـم أنتخـابـه
ماله حلي غرب البـلاد وشروقـه=ذودً خيـار وحـظ راعيـه جابـه
قدامهن العشـب ماحـداً يذوقـه=والماء هن أول من يغثبر شرابـه
ليا سرحن من يم هضبـة خنوقـه=يمسن بالراحـه حبـر والغرابـه
وليا شافها المشتاق يزداد شوقـه=وأن شافها العاقل يضيع صوابـه
هذا هوى بالـي وشفـي وذوقـه=لابوه ذوقً غيرهـا ويـش أبابـه
ليا سقتها معيه طحاطيـح روقـه=ربعً لهم فـالأرض قـدر ومهابـه
عدوهـم مايدخـل النـوم موقـه=ورفيقهم ينسى الحـزن والكآبـه
وأنا من الـي عهدهـا ماتبوقـه=الاد سامـر لآبـة وسـط لآبـه
رجالنـا يمنـا عطـاه مخروقـه=سيف يكفي سلـة عـن نصابـه
وأختامها يـارب عبـدك ونوقـه=منا الدعى وأنته عليـك الأجابـه [/poem]