الى كــل من يــدخـــل بنــك بـــنــــت

[عبدالله المرشدي]

اخواني اخواتي الكرام تكرمون عن من تتكلم عنه هذه القصيده
وهي موجهه لكل من يدخل بنك بنت وهو ليس ببنت ممن لهم مطامع

ومقاصد دنئيه ولانه خداع وكذب ولا يقبله عاقل ..

وفي الحقيقه كثرت هذه الظاهره في كثير من المنتديات..!


[poem=font="Simplified Arabic,5,black,bold,normal" bkcolor="transparent" bkimage="../backgrounds/17.gif" border="none,4,gray" type=2 line=0 align=center use=ex num="0,black"]
الحقير ابن الحقير اللي دخل باسم البنيه=لو براسه خير رده ماقرب نك البنات
قاصر الهقوات جيده بالتحايل والخفيه=عايشٍ عمره يفكر كيف يصتاد القطاة
له مقاصد دانيه وافكار مخ الفار سيه=بالقوارض تجتمع شين الروايح والصفات
همته دنيا وراس المال قمرا مع سميه=مايكفنه ثلاث اربع نجوم موشمات
يتبع القصيا وعينه تلتفت يم الدنيه=لادخل وسط المعارض مد يدّه قال هات
ناسيٍ اصله وفصله ماتحلى بالحميه=غارقن طايح بجمع اللي يبيهن معجبات
تاجده في كل سوقٍ قام له روحه وجيه=مايغايب عن عيونه غير راعية الثبات
يظهر الطيبه وطبعه بالخفا من طبع حيه=كنه الخفاش ليله ليل والصبح بسبات
فاقد الجنحان ماعنده عزوم ومقدريه=مايسير ولا يحير الا تقنه بالعصات
فوق هذا لا لقا اللي بالعطا كفه نديه=لف كنه ثعلبٍ مكار يسعى بالوشاة
ياجماعه كيف ترضون الظليمه والخطيه=مثل هذا ينرمي باقصى سلال المهملات
ماقصد التشهير بل تحذير من ضربة يديه=لو مسكته في يديني والله انه مايبات
اعرفه من سو طبعه مامشى لعبه عليه=بس بعطيه الاشاره قبل اسوي به سوات
اعذروني يالنشاما لاتقولوا عنجهيه=شي في نفسي كتبته يوم شفت الخافيات[/poem]
[align=center]عبدالله مرزوق المرشدي [/align]