قصيدة في الردعان من الغبيات

[عديل الروح]

[poem=font="Simplified Arabic,5,black,bold,normal" bkcolor="transparent" bkimage="../backgrounds/19.gif" border="solid,4,black" type=0 line=0 align=center use=ex num="0,black"]
ردعان في المجلس صناديد وفهود=والروح في وجه العدو يرخصونه
اخوان سوده يوم طارد ومطرود=يوم القبايل رزقهم ينهبونه
يوم السرب مابين حاوي ومردود=والمال في ظلم الجهل يسلبونه
الى عثة شهب الرمك غالي الذود=صبحا عليهم شيب الراس كونه
وتبارزوا مابين ظاهد ومظهود=وكل قلب وجهه على غير لونه
ودخن عسام الجو عجن وبارود=والنذل جبن والبطل ينتخونه
وحول ثقيل الرجل في تالي الفود=المعترض فرز الوغى يتبعونه
والظفر ابو غلاب يضرب على الكود=سبع الغدارى يقصر العلم دونه
تفكها الردعان من كل ممرود=كم فارس من دونها يطرحونه
يوم الرخوم وقوف ووجوههم سود=اخوين والبوش العفر يحتمونه
حرام مايوخذ من البوش مفرود=والى اوخذ من جارهم يلحقونه
وعندي على ذلك براهين وشهود=غصبا على الي فعلهم يجحدونة
هذا صحيح وعند الابطال موجود=والا الثعالب ماء البحر يشربونه[/poem]
[align=center]ثقيل الرجل المعترض هو بخيت الردعي
الظفر ابو غلاب هو خصيوي الردعي
وسلامتكم
هذة القصيدة من قصائد الشاعرة فتاة الوشم.[/align]