قصيدة يوسف العتيبي ألقيت في مسابقة شاعر المليون بأبوظبي

[تركي السواط]

[align=center]السلام جايب اليوم قصيدة للشاعر يوسف العتيبي ألقيت في مسابقة شاعر المليون بأبوظبي [/align]
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ترد القصايد ردة البل على المقهور = ليا صاح صياح المعاني براس القور
تحوّل و ترقى مع ضلوعي و احس بها = تدرهم بصدري مثل درهامة المظهور
تدرهم بصدري لين تورد على قلبي =و إذا صدرت .. ما مثل هاك الشعور شعور
أدور على بيوت الجزالة و أوسمها =و لا أوسم الواقف و لا أوسم المكسور
لأن القصيدة فكرة إبداع شاعرها =و لا ينبت الإبداع بأرض الخيال البور
و أنا شاعر و مبدع و أمثل بني عمي = مثل ما يمثل يام شاعرهم المشهور
مثل ما حضرت أول و أجازتني اللجنة =أبامتع اللجنة .. و ابامتع الجمهور
و لاني بمن لطامة العايل عتيبة =إذا ما ضحك تركي و لا صفق الدكتور
تمر فخيالي بعض الأفكار و أكتبها = مثل ما يمر من الزجاجة شعاع النور
و أنا لي جوانب فكرتي يوم أكملها =يصير الورق عش القلم و القلم عصفور
كبرنا و شفنا و الليالي عرفناها =توافيق .. و حظوظ الرياجيل تلعب دور
و أنا قادر آغني معاهم و أشاركهم = و حظي معاهم طيب و لا عليه قصور
و لكن أنا في بعض الأحيان تلقاني =أحاول أحس إحساس أبو جعفر المنصور
لو إنه يجي و يشوف بغداد وش صارت = سماها كفن للناس .. و ترابها كافور[/poem]