سووا لي الكيف وارهولي من الدله البن الأشقر يداوي الرأس فنجاله
كيف لنا نحرقه بالنار ونزله ولينقطع لو وراء صنعاء عنيناله
البارحه الليل ماغمضت بك كله اراقب الصبح جالس وأتحرى له
ابعث شريط مضى واطويه وافله واقول من يحفظ التاريخ لاأجياله
قل للعراق يفتش جعبته قله يلقى بها شي مايطرى على باله
الهم والغم والطاعون والعله حقه لحاله كفايه حقه لحاله
من صفعة ذاقها بانت بها الخله يذكر هزيمة شهر شعبان وهلاله
قام الثعل يشتعل ويشغل الشله عزة وطارق وعد عدي وامثاله
يذبح ويسلخ يده حمر ومبتله شيٍ يخلي جبين الحر ينداله
ياناس ياويل من هذا زعيم له الشعب في وضع يؤسف له ويرثى له شعب شرب كره واكل الكره كرهاًله يتفل على صورته ويدوس تمثاله
تبت يدا بولهب تبا وتبله واللي معه بالحطب للقوم حماله
مجبل عاى طبخة بالحيل تعمله يؤخذ بها الثار والثورة تسوى له
حتى نسيبه ولد خاله تحيل له لغم له الهلوكبتر وأنشدوا خاله
الله مايهمل الظالم ويمهله وان طال به العمر اخس اشوي واردى له
الحكم منهار والأحزاب منحله وماخس من حالةٍفيها ولاحاله
من ردي حظه فهل بيته يزوله صار الشجر قوم لعيونه يورى له
من كثر مايرتميه يخاف من ظله ومن يعلم الغيب لوعدي قتاله
صدام انا بنشدك وش انت حيا له مثلك بغبنه يموت وموته اشوى له
ماعاد تملك من السلطه خبرلله خارج عن السيطره دولتك منزاله
جمع عظامك سواة مجمع الجله واحرق بها مادراء بغداد برجاله
الجيش يرزح تحت ذل من الذله والشعب مسكين تضحك له وتغتاله
واذاعتك ياسويد الجه منشله ماعندك ألا يالالاه يالالالاه
ايه بالله اسمع زين ايه بالله ايه بالله واليا تبين عدوا بنا وحناله
ماتدري انا نعقد الحبل ونحله بالعسر واليسر حلاله وفتاله
نعسف الصعب ثم يجيك مزين دله اديب مايشتكي عرقوب جماله
مانقتنع بالهجاد نصبح الحله مع الغطاليس رجليه وخياله
والدارماهي بياصدام محتله مااستعمرت قبل حكم العود وعياله
واليوم عنها نسن السيف ونسله من شط واختط الطريق نصلح احواله
والفهد تخسى عنه ماانت بقبيل له وطى برجله على غاربك بنعاله
لاانت بكفوه ولاشرواك كفوا له الفهد يكرم عن المشبوه واشكاله
الفهد عز العرب والعرب عزٍ له وكم دولة تستغيث المال من ماله
العادل العدل والأسلام شرعا له والبيعةالمسلمين البيعه اولى له
والا انت مهزوم لامذهب ولامله مقطع اربع تطيح بكل محباله
منما مضى لك تخدع الشعب وتظله مفسد ويدعى عليك وفهد يدعى له
وين انت ياللي له العذراء تكحله يقوم لعيونها وتشوم لاافعاله
من طيب ابوها تبا واصفح عديلٍ له يقلط على شوفة البارود وظلاله
ابيك في لازم قدك وقدله قمر عربسات يبرا لك وتبرا له
امر ضروري وخلك مستعد له ماأنت مراسل تجي وتروح برساله
عندك مهمه وقلبك مابرد غله جدول مسيرك تعرف العام مدهاله
اركب على اللي قنابله من السله بمكبرات الصور في الجو جواله
اخذ المدرج وتل بريكها تله واخفق بها خفقة الكدري لمقياله
نحربها خاين النهرين وافطن له لاذكر بالخير في حله وترحاله
حددمكانك بتل سكون وانزله انزل رويدارويدا واكبس الآله
حربية عاد يالسوداء تسلله تسللت من جهة عمان وجباله
جاته من الغرب عبر اجواء صديق له تحمل على متنها حزنه وسلاله
ترسم هدفها على اليزر وترسله اشارة الظبط والمضرب تهيا له
ماتحمله ترفعه مترين وتهله مع ذرة الشمس في قصره تحمى له
تعطيه ضربه تدك القبو بالفله والشر فاله وفال الله ولافاله
من شدة الأنفجار اقول باسم الله تهتز الاهواز والبصره بزلزاله
في سبع الأرض تحفرله وتدفن له من تحت الأنقاض والانقاذ ماشاله
يأخذ سنه يلتهب قبوه كما المله يذوب صنقل الساعه وسلساله
ثم خل غيره يشوف ويعتبرخله واللي يبي مثلها بالحال تثنى له
الضعف ماحطه الطيب سبيل له قد قيل من لايعيل يجيه عيانه
كلمات شاعر الوطن الكبيراللواء/
خلف ابن هذال الحافي العتيبي
اعداد/
بندرالسراد
[/size]
| 
|
07-13-2005, 05:45 PM
المواضيع المتشابهه
العرض الشجري