قصيدة((( ياسعود)))

[سعودالعتيبي]

[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
البارحه في تالي الليل ياسعود =ثارت علي أهجوس مقوى سهرها
دنياالشقاء مابين طارد ومطرود= شجرة من الصبارعلقم ثمرها
كم فارس فيها نحل كنه العود= من كثرلوعات الحياة وقهرها
النفس بالدنيا لها حد محدود =مهما تعالت ماتعدى قدرها
وكم واحدلومات ماهوب مفقود =عايش حياتة ماسلم من ضررها
وكم واحد مايعرف المد والجود= شحيح واعمال الكرم ماذكرها
وغيبته الدنيا بعد كان موجود= بعد السعاده قفلت له نحرها
كم واحد مرتاح في ظل ممدود= ما همته سود الليال وكدرها
وكم واحد جاهل وغادي به الزود= مايدري إن العين تفقد بصرها
الكبر ظلم وفاعله غير محمود= يلقى ذنوبه في كتابه سطرها
باب الردى دايم عن الخيرمسدود= ولاخير فاالدنيا ولا في نظرها
بيض الليالي ضوها نور مشهود= تشبه سحابة صيف هلت مطرها
أماالليال المظلمه مابها فود= الله يكا فينا بلاوي خطرها
دنيا الشقاء ماتعرف النقص والزود= تجتاح من دارت عليهم ظهرها
والله ماتعرف مواثيق وعهود= وياحلوها وليا تغريف زهرها
دنيا بها فاسد وحاسد ومحسود= ولياصفت للعبد محلى دررها
تكفى يبو عادل ترى الوقت معدود =اصبرعلى الأيام واعرف عبرها
وانته حمياني سناء برق ورعود= ربعك تزيل الفاسده من قعرها[/poem]هذه القصيده
للشاعرالشيخ
فالح بن رجاء الحمياني العتيبي