قصة شهادة

[ابن مرشد]

السلام عليكم ورحمة الله وبركاته
هذه القصيدة تمثل حال الكثير من الخريجين وحملة الشهادات الذين وقفت في طرقهم العقبات المتنوعة من شتى المجالات وكانت تمثل حالتي انا ايضا وقد وفقنا الله واساله ان يوفق طلابنا
واتمنى ان تنال على اعجابكم

[poem=font="Simplified Arabic,5,orange,normal,normal" bkcolor="black" bkimage="" border="ridge,5,firebrick" type=1 line=0 align=center use=ex num="0,black"]
عقب ضاع العمر مابين الدراسة والعلامي=وانجبار النفس حملٍ فوق طاقتها تشيله
واعتلال الحال زايد نقص شربي والطعامي=والمعدل صار مطلب نطلبه بأية وسيله
كنّي خايض في غمار المعركة كارب حزامي=ومتصدي للمهالك والهزايم مستحيله
واعتمادي يمّ ربي ما اتجهنا للحرامي=والحرام دروبه أوضح مايبا رجل ٍ دليله
والمدرس ماأنتخى ملعون أبو جد وحرامي=همه الأكبر قروشه كم ربح كم هو حصيله
واختبرنا وانتهينا والنتيجة يا سلامي=بعد ما شفت الشهادة بريت الكبد العليله
وامتلى راسي بفكر ٍ سابق طيور الحمامي=سارح ٍ عدة ثواني كنها سنين طويله
والهجوس أشكال وألوان وطموحاتٍ عظامي=الوظيفة والعمارة قبل راعية الجديله
والطموح أصبح سرابٍ يخدع اللي جاه ظامي=اختفت كل الأماني والخيالات الجميله
وانجلى لبس الظلام وبانت الصورة أمامي=أرضك الجرداء تبي ( واو ٍ) يوصلها مسيله
يا فهد حالي تخلف يا فهد مدري علامي=المزاج أصبح قنابل تنتظر قدح الفتيله
والشباب اليوم روّح غرنا عيش الحلامي=ما توقعنا نشيل الهم باوزان ٍ ثقيله
الوظيفة صارت أحلام ٍ تشكل بالمنامي=مير رزقي عند ربي سعد منهو ملتجي له
والحكاية مبهمة واسردتها دون الختامي=جبت وصف الحال كله في بويتاتٍ قليلة[/poem]


[align=center]وسلامتكم واعذرونا على القصور[/align]