بندر القسامي

[بعيد النظر]

السلام عليكم ورحمة الله وبركاته



[align=center]الشاعر الكبير بندر بن سرور العتيبي لايوجد احد بارض الجزيرة العربيه لايعرفه ،
تناقلت ابياته الرواة بطول الجزيرة وعرضها ،
فهو الرقم الصعب او الشاعر الذي لايتكرر ،
ابياته صعبة التكرار قوية المعني بقوة وشموخ هذا الرجل الذي جعل الكثيرون ينحنون احتراما له،
رحم الله بندر بن سرور وجميع اخواننا المسلمين .
ومن قصائد الكثيرة نورد التالي :[/align]


[align=center]قصيدة : الله من عين لبندر بن سرور[/align][poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]


اللــه مــن عيــن تزايــد تلــفــها=بـيَــن كــدها بالعــروق السـخيـفــه
كــم واحــدٍ لــه حــاجـةٍ مـاصرفها=يـصــد عن صـرافــها لايضيــــفــه
يخــاف لايقــضب نــديـــم طــرفها=قـلبــه صـدأ وأطـــراف جسـمه نظـيفه
لــو كـان مـاهـا مايـلـيَـن ليــفــها=سـيَـل بـها القــتــات وادي حنيــفـه
واللـه خـلق بيــد الـذلول وعســـفـها=للـي يـبي المنــهاج مــثـل القــطيفــه
والفـضـل للـي مـدها مــا قصــفــها=وأنـهـج من الــدار المحيــلـه للمــريفه
وانصحــك ياللي غــرتــه مــاعرفــها=شيــبٍ تشـيــب مـا يحـــول رديفــه
رديفــها يركـض ويــركـــز هــدفها=وقــتٍ يـقــص العـظم من حــدَ سيفـه
وجـت بك الـدنـيا وجـــابك صــدفـها=لاتـعـتـز بأهـل النفــــوس الضعيــفـه
أنصـحــك نفســك لاتســقــط شرفها=تـرى بعـض بيـض المجــالس أمجيفـه[/poem]


[align=center]قصـيدة : أهل الونـيــت لبندر بن سرور[/align]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يأهــل الونـيـــت اللي تزايـد عويـلــه=مكينتـــه ذيــب النصـارى شغلـهـــا
حــده وقود النـار وأبعــد مقيـــــلـه=شاقـــه بعيــد العيـــن وادنـى جبلـها
إليـــا لفـيـــت العيـن اخـذ لك دليلـه=لاتبــدي الشكــوى على غيــر أهلـــها
وأحــذر يغــرك من بســط لك شليلـــه=كم واحــدٍ يبـي العــلا مـــاوصلــها
علـيــك باللـي بالقـسى ينعـني لــــه=اللي ليـا قــاد السفيــنـه عـــدلــها
السـالميـــن اللي خطــاهم طــويــلـه=وسعيــد زيـزوم البــلاوي فحـــلـهـا
قـــل حـاجتـي يـابو مبارك ثقيـــــله=ما كــل رجلٍ ينتــخي لـي حمــــلهـا
وابــغــاك تــدركهــا بحــالٍ وحيلـه=عســاك تـاجــد عند ربــك بـدلـــها
و لا تـرى الدنـيا قــريــبٍ رحــيــله=كــلٍ تـبي نفــســـه تلاقــي عمـلها[/poem]


[align=center]قصيــدة : بحـر تسـعيـن لبندر بن سرور[/align][poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]


يـارب انـا لـي حــاجــةٍ صـكة القـوع=بـقـصى بحــر تسـعيـن صكــة نـحـرها
أصـعـب على المخـلـوق من عضـة الكـوع=ولا على الخـالق بســـيــطٍ بــحــرها
كـم واحـدٍ جــت لــه بسـاتيـن وأزروع=تــراه مـايـدري مــن اللـي بــذرهــا
أبن الـلـئـيم أمـشـارك الـكلـب بطبـوع=عــيـنـه على حــرمـة قصــيره دورهـا
مـادارهــا خــوف علـيـها مـن الجـوع=خــوف تفــوتـه غـــرةٍ مــاسـبـرها[/poem]


[align=center]قصيــدة : ثقـيـل التـرس لبندر بن سرور[/align]
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]


اللـه عـلى اللي يــوم يفــتل عمــــوده=يطـلع ثـرى ارضٍ بعَــد القـيـض مــاهـا
ليــونـس ثقـيل التـرس يرخـي عضــوده=شـيـهـانـةٍ تــرخ المــتــون العشاهـا
عَـده عـلى اللي مــا يـدرهــم قعــوده=مــن صــار زيـزوم المـشاكـل حمــاهـا
ثـم قــل لابن دهــره يـحضـر شهــوده=للـرفـقــه اللـي بـاعـها مـا شـراهــا
وقــتٍ ركــض كلـبـه ونـامت فهــوده=مـمـا تشــوف العيـن طــوَل عـمـاهـا
المــال ســالم والـوجيــه أمـعـبــوده=بـرق التـيـــوس اللـي تـوامــا لحـاها
راعـي صـلاة الفـرض بـيَــن سجـــوده=وراعـي غــرابيــل النـمايــم لـقــاها[/poem]

[align=center]قصــيدة : خـطـو الـولد لبندر بن سرور[/align]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

اللـه من عيــنٍ لـيا عـسـعـس اللـيــل=عـافــت لـذيــذ الـنـوم مـاتـهـتني به
يـاويـن أبـلقـى مـن يحــب الـتـعـاليل=يـبـدي بـزيـن القــول ولا ابـتـدي بـه
خـطـو الـولد يـامـال قصـف الـتمـاهيل=يـشــرح عيــوب النـاس مـاشاف عيـبـه
يفـرح لـيـا شـاف المــجالس هــراميـل=يــكـره لـيـا شـاف الـمـجالس أمـنيبـه
مـاشـوقــنـه طيـبـات الـتـمـاثــيل=مــع شـايـبٍ قــد بـيَـن الـوقت شيبـه
مـاهـوب شـايب ، شيـبـنَـه غــرابيــل=عـيـدٍ يـقـفـي بــه وعـيـدٍ يـجيــبه
أنـا الذي شـفـت الـــوزا يـاسـماعيـل=طـاوعــت نـفـسي لـيـن شـفت الغليبـه
النـفـس طـير والـخـطايـا محــابيـــل=والنــاس روَاي الحـــديــث أتـحـكيبـه[/poem]

[align=center]
قصيدة : دواليـــب الــدهر لبندر بن سرور[/align][poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]


يالله يـاجــال الامـور المهمــــــــه=تجلا وهـج قلب بـرا حـال راعيــــــه
البـر دجـتــه والبحـر رحـت يـمــــه=اسعـى ورى رزق عســى اللـه يهـيـــه
يــوم ان ولــد اللاش رزقـه على أمـــه=رزقــي على اللي ميـــت القشـع يحيـيـه
يــامل قـلــب كــل مـا مـات همـــه=دارت دواليــــب الدهــر ليـن تحـيـيـه
فـرَاق شــمـل النـاس عيَــا يلـمَـــه=وقــتٍ يشــيـب الرأس من شـايـةٍ فـيـه
أحــدٍ يــنام وحـط رأســــه بكمـــه=وأحـدٍ يخـــم النـوم عيــنـه وتخـطيـه
أحـدٍ يحـاول بالــردا بنـــــت عـمه=وأحـدٍ يحاول سـتـر عـذراء عـوانيــه
مـانـي وأنا بنـدر ببيــاع دمــــــه=يقطعـــك يا بيــاع دمـه ومهـفـيـه
الـلي يبـيــع لابـســـات الأزمــــه=ثـورٍ يــبا بيــض الرعـابيـب تغـنـيـه
يـزعـل ليا جــــت ليلــة الـدور يمـه=يرضـى بسـوق المـال فخـره وفـــا بيـه
خطــو البخــيـل اللـي يكبــــر معمـه=يقـرأ الكتــاب وواجـــب اللــه يخـليـه
امـــا هـــرج لـك في رفيقــه بنمــه=ولا عــطا وأمـــــه أتضيـع هقـاويـه
أنشـــدك ياللـي كــل فـرض تـتـمـه=تقـرأ الكــتاب وكل فـرض تصــليـــه
ويـش القليـب اللــي غميـــق مجمــه=مـا فـاد غـرسـه مـاه عـطـش سوانيـه
تخــالف الانظــار شـــرق ويمـــه=وكـل هـدف رآيـه مـن النـاس مرضيـه
ســمَ الســبب ياعـــارفٍ عنـه سـمـه=ســمَ الســبب ياعــارفـه قبــل أسمـه[/poem]


[align=center]قصيــدة : ذبـاحة الـتـيس لبندر بن سرور[/align]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

يـاعنـك ماتشفيــك ذبـاحـة الـتيـــس=ربــع السـلق مـادام حـمـلـك خفيـفـي
وأخــيـر من هـاك الوجيــه المــفـاليس=البــعـد عــن معـروفهـم لــو تضيـفي
يلـحقــك منهـم بعـض الايـام تنـجـيس=ثــوب النـجـس لـو كان ثـوبك نـظيـفي
مـالي ومـال أمجـالســة كــل بـليــس=سـلقـان نـجــد اللي وحيــها صـليـفي[/poem]

[align=center]
قصيــدة : مخرجيــن الطوابير لبندر بن سرور[/align]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

يابـدر ابن سلطان مايــبـــرد الجـــاش=الاَ نــهارٍ فيــــه للجـــــر تشهيـر
يفـرح بــه الطـيــب ويكره بـه الــلاش=ويقـــوم عجـــه من قــرى عنـز للنـير
يغـلـق مجــال مربطــة خضـر الاجـحاش=ويفــتح مجــال مخــرجيـــن الطوابيـر
يـزيــغ بـه قلــب المنـافــق وينـحاش=ويصــبر به المـؤمـن ويـرضى المـقـادير
ماقـصــدنا يابــدر في نــجد نعـتــاش=الـرزق عنــد مـدبــر الخـلق تـدبـيـر
أبـغي الذي بيــن المضـيـع وعــكـاش=روقيـــةٍ تـزهى يــديـــها الخـواصير
تتــبع لهــا نمــرأ له المـوت رشـراش=حـتى تــعـاف أمـقطـعيــن المسامـيـر[/poem]


[align=center]قصــيدة : مـشــتل البـيب لبندر بن سرور[/align]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياهـل الــونــيت اللي يـبا مـشتل البـيب=مــادق صــدره بالخــطوط الغــزيــره
يـــوم ايــتـخـثع في محــير الاداعـيب=يـشـتي تخـثـع جــادل فـي حــريــره
لاتــجـربـونـه مـايـبا الفـرت تـجريب=قــد جــربه فالبيــت الابيـــض خبـيره
عــدَوه لابـن حـزام سيـــد اللــواعيب=لـعاب زيــنات البـيـــوت العـســيره
ثـم قــل قـاعــد مـانـبي مـنـه تدريب=الوقـت درَبـنـا على كــــل ســيــره
لـو كــل مـــن قـاد السبب يعلم الغيـب=يـامـا كــرهـت النـفـس مـن باب خيره
ان قـفـت الايـام مـاهـا مــغـاريـــب=والـيـا اقـبلـت يـازيــن صـافي غــديره[/poem]


[align=center]القصيدة : الله عليكي انتي من أيا عتيبه[/align]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يابنت ياللـي حـول فلـة خبيـان=الله عليك أنتـي مـن أيـا عتيبـه
لا ياعيون اللي على الطرد ولهان=حـرٍ قطامـي فعولـه عطيـبـه
والقرن ذيل اللي تشعشع للأكـوان=بنت الأصيل اللي طويـلٍ سبيبـه
والردف يطوي الثوب والعود ريان=والخـد بـارق مزنـةٍ مستجيبـه[/poem]

[align=center]
القصيدة: يابنت عيفي واحدٍ مايصلي [/align]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
واقلبى اللي تله الــود تـلـي=تل الرشا من فـوق ملحـا جلالـه
في غربها تسعين فـري ومشلـي=وتجفل اليا سمعت ضريس المحاله
من واحـدٍ طـرق عليـه يهلـي=جدد جروح القلب مع ما جرى لـه
برمش العيون اللي هدبهن مظلـي=ضافٍ على بيض المحاجر ضلاله
يابنت عيفي واحــــدٍ ما يصلي=تارك عمود الديـن مالـك ومالـه
عيفيه لو يفرش لك البيـت زلـي=من لا يخـاف الله حـرامٍ حلالـه
خلـي ملعـن والديـنـه يـولـي=تلقين فـي نجـد المسمـى بدالـه
وعليـك باللـي للجماعـه يهلـي=اللي كمـا النبـوة منـارة دلالـه
بالرجـل ثنتيـنٍ حداهـن يدلـي=من كبهن ماهـوب ويـا الرجالـه
وان كان مابه دين مع زيـن دلـي=جعله مـن الدنيـا تقطـع حبالـه[/poem]


[align=center]القصيدة: يلعب هوى (ياترى ماهو؟)[/align][poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]


راكب اللي مخ ساقـه خنازيـر وهـوى=أشهبٍ في مقدمه بارقيـن وعكـس تـاج
متر فـي متريـن مستبـرمٍ كلـه ســوى=حايفـه حطـاب ماسمكـره راع الكـراج
منوة الـي لأهلـه مشفـقٍ وألهـم نـوى=يوم يفتح خط بيـن أربعـه ثـور عجـاج
يوم يفتل للحرق والورق وسـط إنـزوى=ضد حرب وغرب والجمع ورجوم الحجاج
يـوم أحـده بالثلاثـة مـع اللفـة عـوى=عـوي ذيـبٍ محتدينـه مربيـة النعـاج
ثابت ما يحتـرك مرسـيٍ يلعـب هـوى=ارتفع جب ارتخى مثـل طايـرة المـراج
يرتفـع حطـاب بعصيـر لبنيـه رمــى=شرق غرب شمال بيمين الأبتل يـوم راج
عنبره والمسك سلطان من نـور السمـاء=والذهب خوذه وماء العود الأصلي يوم فاج[/poem]


[align=center]القصيدة: ذوق الحنيـة[/align]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
آه يافيحـان مـن بعـد المسافـة=بين نجد وبيـن ريعـان الحوّيـة
راكب اللي يعجب اللي يوم حافه=زين صوته بالسيـور المعدنيـة
زيـن الصنـاع شغلـه بالكيافـه=ناسجٍ حوضه على ذوق الحنيـة
يوصل الي بان بالقلب اختلافـه=عيت الأيام تسمـح لـي بمجيـه
شبه وضحى قيضت فوق اللصافه=ربعت بطبيـق وفيـاض الثنيـة
ماتلت راع الغنم مجيـف لحافـه=ثانية طق العصـى بـارد حتيـة
مع بلاوي زينهـا زود النظافـه=ماتمشـت بالرفـايـع ……..[/poem]


[align=center]القصيدة: رستم قليبه[/align]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

عز الله أني جزت على كل ما قول=لاشك ردتني على القول ضيحـه
لا ياعيون اللي لياصـك بالجـول=منه أبرق الجنحان عجلٍ مطيحـه
ياعود ريحانٍ رفع غصنه الطـول=رستـم قليبـه مايهـون ضبيحـه
يوم استوى عوده على داير الحول=هجوا به التجار من زين ريحـه
ياشيخة الخفرات بالزين ودلـول=من مات من سبتك ربـه يبيحـه[/poem]


[align=center]القصيدة: شاي قبل أمس - غزل [/align]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياعبيد يا وجدي على شاي قبل أمس=شاي مزج ياعبيد بالزعــفــراني
امصلحه مركوز الأنهـاد بالخمـس=راعــي ثمانٍ كأنها القحــوياني
وجدي عليها وجد من حمل الجمس=في حملته ياعبيد سبـــع المعاني
يوم الطرد عدت ثلاثٍ بعد خمـس=قامت تقطع قربته جــدعــاني
مدوله الدربيل مع مطلع الشمـس=وجاه العريف وحدره لسفــواني[/poem]

[align=center]
قصيدة : عشيري ورى الكودة[/align]


[align=center]الشاعر الكبير بندر بن سرور العتيبــي ، نار على علم وشعره قوي ، وبندر يستطيع تغيير القوافي وادراج مايريد بكل سهولة وكيف وهو بندر ، حفظت قصائده الاجيال ، وهذه ايضا قصيده غزليه دقيقة الوصف أقرأ واستمتع مع شاعر كبير.[/align]
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الا وهنى اللى تمرجل بصك تــراب =لو لا لجنة الترسيم ماعاش مع غيرة
انا كل ديرة جيتها وادرك الاسباب =ادور نصيب بــذ رجلى بتدويرة
الا يا وجودى وجد من صك دونة باب= بقفل اعجمى(ن) مغلقـات مساميـرة
معة فرت خمسة طن ينقل مية ركاب =من المال عيا ينقلـنـة تغايـيـرة
على اللى كوانى كية العظم بالمشـهاب =على اقصى عراوى القلب محم مناشيرة
عشيري ورى الكودة وانا من ورى مشعاب= بعيـد قريـب تعـيـب ياهـون تيـسيرة
ولا ياصلة ياكود فرت علية اصطاب =ليا حاسـب السـواق تشر مواخيرة
صنايع بياطير الكفـر لابسين الكاب =عصاة اليهود اللى مشاريبها البيرة
ولاوهنى اللى من الـود ماقد تاب =وانا تبت عنة وعدتلة ياللة الخيرة [/poem]

[align=center]
القصيدة: علق حبالي [/align]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياسخيف الذرعان مافي وسـواس=لي حاجة بالعرض وأسعى وراها
وأسجد لقادرها على غفلة الناس=وأسألـه الجنـة يكمـل عطاهـا
أسعى ورى حد مهاويـه دراس=زيـزوم نمـراً قادهـا ماتلاهـا
علق حبالي فرخ واليوم قرنـاس=واللي بحالـي للولـي مشتكاهـا
أعوذ بك يارب من سعي الإفلاس=وأنته رقيب النفس تعلـم خفاهـا
يابنت أنا هـذي شفايـاي يبـاس=أطابق الوجبات ما أشفق علاهـا
ماني وانا بندر بتبـاع الأنجـاس=اللي قريبٍ تفلهـا مـن لحاهـا
أنا بدرب الصيرمي عدم الاجناس=زعيم روق اليا تنصـت عداهـا[/poem]


[align=center]قصيدة : الــدوج[/align]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

الا يا نديبي فوق دوج عليه شراع=ما قال انفخ التشريق جا في مواصيره
ليا هبّت العليا و قام العجاج و راع=يهيضك مع السكة تثاوع معاصيره
صنايع يهودٍ لا يبدّل ولا ينباع=يقربك من دار و يقلعك عن ديرة
بعد طلّعوه مجَيّكٍ ما يبى المرجاع=سمع من وراه الفوج غنّت مواطيره
ليا دق سلفه قام حسّه يرجّ القاع=ما جاه المعاون يشتغل في مساميره
عطاه الثنين و زاد له بالأبنص و فاع=رزيمه رعد مزنٍ تهلّع دناقيره
خرط له بثالث عقب نشّه بعزم و زاع=و شتل له برابع ما يضيّع تغاييره
ليا شال عزمه ريّحه وامنٍ مارتاع=مسك مع يمين الخط و يلدّ لانبيره[/poem]

[align=center]
قصيدة : سر ياقلم[/align][poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]


ســر ياقــلم مالي على الصبر طاقه=صـــبري تـعـدا الـحـد مـاعــاد ينطاق
أكـــتب لمــــثلي قصــته واشـتياقه=في خطك الواضح على بيض الاوراق
قصة حـــزينن صـــافي الـحر ذاقه=انــا بــذكــره مــاصــله خاطري ضاق
بــــاقوبه الاصــــحاب والوقت باقه=وصــــار الضــحيه بـين بـايـر وبواق
يمشي وهو ماحس في كسـر ساقه=أمسى على ساقين وأصبح على ساق
وهذي سواة الوقت شين أصطفاقه=الـــوقــت لــو يصــفى لك أيــام درّاق
لاشـــك يامن معــك عـــقـل ولـباقه=بنصـــحك كـــان أنــك للأمــثال تشتاق
صــادق رجـــالن يعرفون الصداقه=يقــفون صـــفك يــوم يبســات الأرياق
ومن يرغــــب فراقك فعجّـل فراقه=جـــاز الـــذي يجـزيــك أفـراق بـافـراق
يقولــــه اللي جــــاير الوقت عـاقه=ولازال فـــي غيـــبوبة الـهــم مــافــاق
حـظه على أقشر شي للنفس ساقه=بـــقبور الأحـــياء ينـتظر يــوم الأطلاق[/poem]

[align=center]
قصيدة: ياعبيد يوم انك [/align]
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]


يا عبيد يوم إنك تبي الـدرب عجـلان=رد النقـي يا عبيـد حـالٍ وحيـلـه
ما ينرمي قـولٍ علـى غيـر نيشـان=ومن لا يثبت حجته ويش هـي لـه
صوتي وأنـا بنـدر طويـلٍ ليابـان=وان ما خشيت الرب ويش اختشي لـه
وان عودت للنـاس قـومٍ وصدقـان=ما احد بما نعنـي لأعـدي الطويلـه
وأن جيت أغني البيت وافي ومليـان=ولولا معانـي بالغنـا مـا اشتقيلـه
ما أحب ترديـد الغناميـر مشحـان=ما أدمح خطا اللي شاهده رأس ذيلـه
والا خطا الطيـب زبـادٍ وريحـان=لـو يدعـي لـي بالفنـا وادعيـلـه
إن ضاق صدري شفي أمزح بالالحان=والا عـن الـزلات رجلـي ثقيلـه
دنيا نبي تقزيرهـا ضحـك حجـان=وألا تـرى صيـورهـا مستقيـلـه
والرجل غاية ملحتـه قلـب ولسـان=وألا أن باقـي جثـتـه حنضليـلـه
يارب تجعل لي من الذنـب غفـران=يافـارج لأيـوب عـقـب تهليـلـه[/poem]


[align=center]قصيدة : تمر الفؤادي[/align]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
والله لو أني بعض الأحيان أكنـي=نارٍ من الجمـرة تمـر الفـؤادي
لأغدى كما فرتٍ بقيـره يحنـي=حمله ثقيل ولا حصل له بـرادي
عليـك ياللـي بالمـودة شطنـي=ما شفت شكله مع جميع البـوادي
راعي جديـلٍ يمشطـه ومتثنـي=والعين عين اللي طلق في الهدادي[/poem]


[align=center]قصيدة : سرى البارق[/align]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
سرى البارق اللي رؤوس مزنه تنصت غال=على هجرة بن سنـون وأدنـى الشبيكيـة
على شان خلـي جعـل يسقيهـم الوبـال=وإليـا عـودت مالـي ومـال الحبرديـة
ألا ياعيـون اللـي مواكيرهـا بالـخـال=توالـي رقايـب نجـد ماهيـب بحـريـة
إليا نقضـت شقـرٍ علـى ردفهـا ميـال=تخابـط سبلهـنـه مـطـارق شريطـيـة
كما ذيل شقراً شعشعت فـي يـد الزمـال=تغانـم ملـز الشـوخ تبغـى الكرامـيـة
جوابه لبن عربٍ بعد ما أطرحـن أهجـال=تدلـن علـى حليـت مـع درب وسميـة
يتل الضمايـر تـل غـربٍ علـى محـال=تصافـق بـه الجيـلان ملحـاً جمالـيـة
يرفع لها صوتـه صبـيٍ خبيـث أعمـال=تسقـي وديٍ فـيـه تسعـيـن برحـيـة
وترى تبعة المقفين عيـبٍ علـى الرجـال=لكـن أوســع خـاطـرٍ بــد خافـيـه[/poem]

[align=center]
قصيدة : ازرق الدخان[/align][poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

شـي بقلبـي واهجـه مستمـري=لولا أرزق الدخان يطفـي لهيبـه
سلط على الدخان لو هو مضـري=له حـزةٍ عنـد إحتكـام المصبـه
وأنا الذي ما أبدي على الناس سري=من خوف سودان الوجيه تحكيبـه
أصبر على ضيم الدهر والتعـزي=من شان من يرضى على الغليبه
وأبعد مجالى عن عيـال التـزري=من لاهـوى قلبـي دواه المغيبـه
أخاف لي مـن مجلـس مايـذري=في جانبه بـوم حساسـه صليبـه
و سوالفن ما بين بحث و تحــرّي= يجـرح فـؤادي عيـةٍ وأبتلي بـه
والله خلق بالكون لي ثلـث بـري=يكفـن ثلثيـن البحر ويـش ليـبـه
وإليا بغيت الدرب مانيـب اطـري=أمـس للفرجـة حبـال النجيـبـه
وأقطـع تهاتيـه الخـلا بالتجـري=والله يجيبه والـى أمـري يجيبـه
يرضيني المقسوم خيـر وشـري=سبحان من لا تعلـم النـاس غيبـه
أحدٍ على ربعـه يحـب التحـري=للشـر بـلاسٍ وخيـره بجيـبـه
هذاك أنـا يالربـع منـه متبـري=لو عظني ناب الدهر مـا انتخيبـه
من خوف يضحك لي وهو يستغري=يفتل حبـال السـوء مـا يندريبـه
يفـرح علـي بكـل شـرٍ يمـري=وأنا شاف يمي خير عنـي انهيبـه[/poem]

[align=center]
قصيدة : يامل قلبٍ[/align]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يامل قلـبٍ مـن معاليقـه أوجـف=أوجاف فوق الهجن كـور النجيـره
واصلـك ياعمـي جـواب مـزرف=مع واحـدن نبـدي عليـه السريـره
ينسى عضـوده كـل ثـورٍ معلـف=مرغبـه زال الـمـوارد قصـيـرة
قلبه مع الضحكات يسعـد ويخـرف=أخـراف أهـل وادٍ تعاقـب ثميـره
الماكـر اللـي فيـه تبـعٍ تخـلـف=ليافاض مـن عشـه تفـرق مطيـره
وخطوا البخيل اللي على السد يقصف=وان مـد لـه مـده لياهـي حقيـره
هو مادري ان الرزق للحي يصـرف=يعطيه من يعطـي العطايـا الكبيـره
المال مثـل الفـي يرجـح وينكـف=واللـي يجيبـه لأبـن آدم دبـيـره
أمـا أنتبـه قلبـه وتـاب وتحسـف=وإلا لعلـه فـي عمـاة البصـيـره[/poem]


[align=center]قصيدة : يا راكب اللي[/align]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياراكب اللي جديـد ويشتغـل تـوه=ماقط علي الثوينـي فـك ماطـوره
عصير مر القليـب والتانكـي روه=ملفاك ماجد ربيع لاضيف أبو نـوره
شيخ تبات الظرايـا ماطفـي ضـوه=يوم أقشر الناس حذفه دون حنجوره
قل له تراني نويت الكتيـب بالخـوه=مليت ياشيخ من خوة هـل الكـوره
والله لاجى له من ورى نجد بعنـوه =لاجي بنفسي وأجيب الختم والصورة[/poem]


[align=center]قصيدة : طويت حبل [/align]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
طويت حبل اليأس يابـدر دونـه=وجاني عليه من الأزاء ما كفاني
في الليل جسمي مقلقاته همومـه=والعين تسهر ما تذوق المنامـي
عليه روحـي يابسـات شنونـه=وحره على الضلع القصير كواني
أمشي وقلبي يابسـاتٍ غصونـه=ومني صناديق الضماير حطامي
ابلا مرض حالي تقول مهيومـه=والكبد صامت عن لذي الطعامي
اللي عليه القبر ركزت وسومـه=وجدي على لاماه وجد الضوامي
حره سطا ما عاد تبرا وسومـه=ولا عاد يمحى وسم حزنه دوامي
يابدر متى الوسم تدخـل حتونـه=من نو مـزنٍ مانشـا بالغمامـي
أباه يزي القبر من مـاء مزونـه=يزيه ربان السحـاب الهشامـي[/poem]


[align=center]قصيدة : دنقله ميم[/align]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

يا أهل الونيت اللي على دنقله ميم=نقل الرياض الخـط ما توصلونـه
ما رهمو له في الكراجات ترهيـم=ولا قـط فـك أديتـره ينفخونـه
والله لو أمسك طارتـه يالمغانيـم=ما عـاد أقلـد دولـة يصنعونـه
صناعته مخطيـن ملـة أبراهيـم=حمران روم لونهـم مثـل لونـه[/poem]


[align=center]قصيدة : خطاة التماتيك[/align]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

الله على مركـب خطـاة التماتيـك=اللي يروج اليا أونس الضغط صالي
هذاك يامجول عن الغيض يبريـك=عليـه يالغالـي يوديـك غـالـي
انحر عليه الجـادل اللـي تسليـك=اللـي جوابـه حلـو در المتـالـي
وأن بينت لك شيـن عنهـا يعديـك=تكفي الاشارة عن كثيـر المجالـي
ونوم الخلاء وحدك ولازول يوذيك=أخير من خـوة عفـون الرجالـي[/poem]


[align=center]قصيدة : جينا حليت[/align]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
جينا حليت ولا لقينا أشعـل اللـون=ألا بحـمـرٍ يبهـتـن الحـديـدي
روس الطوال اللي ورى حد طحنون=ياما بهـن عـن عنز ريـم فـريـدي
قم سو فنجالٍ ترى الشـاي لبتـون=والماء الريعة والهـواء مستعيـدي
مقيالنـا فـي طلحـةٍ فيـهـا دون=نوجٍ سموم ونـوج بـرد وجليـدي
يسوى حياة اللـي سـواة التلفـون=من شبتـه بيـن العجايـز بريـدي
راع البلد يا ميـت القلـب مسجـون=أضـرب تهاتيـه الخـلا تستفيـدي
أبطش ديار القوم والرزق مضمـون=تصيـدك الأقـدار وألا تصـيـدي
وأحذر تخاف ألا الذي كون الكـون=رب السماء محيي العظام الهميـدي[/poem]


[align=center]قصيدة : نو تحدر [/align]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
بديت ذكر الله علـى كـل جابـه=يستاهل الذكر العزيـز الجليلـي
وقفت عند اللي زبن مـن لجابـه=وهي وقفت المضيوم عند الاصيلي
ياشيخ أنا وقتـي ضربنـي بنابـه=من واهجٍ بالقلب حالـي نحيلـي
واللهم صلي علـى خيـر مابـه=والا ترى الدنيا جداها الرحيلـي
نـوٍ تحـدرٍ قيـل ويـن تهقابـه=وأظن له من عنـد ربـه دليلـي
جعله على ظفـره ينثـر سحابـه=ينهل من ظفره إلى أطراف هيلـي
يسقى وطن شيـخٍ عزيـزٍ جنابـه=شيخ عدل مجرى الشريعة سبيلـي
أبن الخليج اللي طلـع وأرتكابـه =ورسى كما يرسي حفيت الطويلي
يوحش سلاطين الرجـال أقتلابـه=لاهوب لا يجلس ولا من مقيلـي
يقفي ويقبـل مثـل سبـعٍ بغابـه=حلحيل حيالٍ علـى كـل حيلـي
ياما كسبنا الطايلـه فـي جنابـه=والله يخون اللي يخـون العميلـي[/poem]

[align=center]قصيدة: حجى الروح[/align]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياونةٍ ونيتهـا فـي حجـي الـروح=ونـة جـزع ماهيـب ونـة مـودة
يا جهاد ضاق بي الوطن وين أبا أروح=ولا عاد لي يا جهـاد فالبقـع لـده
لولا طويـل الرجـم يابـدر لأروح=مير أبدي المرقاب والشـوف أمـده
يبدي طويل الرجم من كان مجـروح=لـولاه يبـدي الرجـم ينبـاح سـده
يويق في المرقاب لوماش مصلـوح=ورجله لمبدأ فـي الجبـل مستعـده
ماغير اكابد عبـرة العيـن وتفـوح=والجسم مـن قـو القلـق راح قـده[/poem]


[align=center]قصيدة: موميةٍ عراويه[/align]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
محمد القلب عايني إمجازيـه=حتى يريـح عيونـي لا يشقيهـا
لو كل رجم يهيض القلب أعديـه=يمكن تكسر ظلوعي من مثانيهـا
وألا ترى القلب مومية عراويـه=لا تحسب أنه طروق الود ناسيها
أوماي غـربٍ مثقلـةٍ عراقيـه=على قليـب نواعيـره سوانيهـا
تسناه ملحا هميد الـزرع تحييـه=من كثر ما تزعب الماء قل واليها
تدرج محـالاً يروعهـا غنانيـه=ميرادها ريض لأن الصدر قافيها[/poem]


[align=center]قصيدة : طولن بالوقوفي[/align]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
لا والله ألا طولـن بالوقوفـي=عيا يحملهـن خبيـث التجـاره
بفلوسنا يا عبيد ماش معروفـي=متى نجي ياعبيد مع خشم صاره
ياراكبٍ من فوق صاف البلوفي=مقعد أنبير الزيت نيم الحـراره
فراق ما بين القلوب الولوفـي=فرتٍ كما وبل السحايب غبـاره[/poem]


[align=center]قصيدة : هال ما طال[/align]
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]


عـز الله انه هال ما طال يا سعيد =زل الشـهر والوقت طوال بديده
اللي من اول للخلايق مـواســيد =اسقي غــرير الهم لـو يستفيده
قم يا رشيد الحق واقول يا رشـيد =الله عليك انت من ايا بـديـــده
اما البديده منك عــند المواعيد =ولا همومك من حياتك زهــيده
ابستفيدك كان جــربت افــيد =تنام واسمك حول الاسمر رشـيده
لي قصة يشهد بها راضــع الديد= يعدهـا غـيب السراب الطريــده
طويلة عريضــة بالتماجــيد =يفرح بها الطيب فعول مجــيده
طــويلة عـريضة بالمناقــيد =يفرح بها النمام شين العقـيـده
جار الزمان وعاونوه الحواقــيد= اللي لهم من قبل ذلك حـقيــده
يا رشــيد يوم اتعبتني بالتناشيد =خذلك من الدرويش زبـدة قصيده
واليا ذكرت الله وكثـرت تمجيـد =تـرى محمد صفوة الخلق سيده
ترى ابرك الحزات يوم صدف عيد= جمعة اسبوع وصادفت يوم عيده
أذكر لك الأجواد صد وصـواميد =وانذال لاصدوا ولا من صـميده
واذكر لك اقشر ما على السيد والبيد= اللي طمع بنت القصير الحـديــده
فضحة قصيره عنده انه اكسب فيد =سوالف بهـا للناس خطو البـليده
سوالف بجرح سال جرحه تضاميد =زود لجرح الجـرح ينزف صديده
من لاستر خـلات غـرات اجاويد =هذاك نــقال الخبيثات بــيـده
وليا وطاك اللي وطاني تراديــد =رد السؤال ولا تحـير بريــده
وانا الذي قـد مرني سلك تجنيد =خدمـت بـه عدة سنين مديـده
مر حول هم وكل شـي لـه احيد =احيد زين وشين والهم احــيده
اسمع صريرالقلب بين الحواديـد =حدنه الضلاع واسمع رديـــده
والله ما همني قاضي العمر ترغيد =ابـن اللئيم اللي حياتـه رغيده
اهـني الكلب الحجل بالمراقـيد =وضب الخلا لو كان يأكل رديـده [/poem]


[align=center]قصيدة : فرت كلاسيكي[/align]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
راكب اللي من حفيزه للحدودي =عقّب العشرين طبلون اميتينه
فرت نوع كلاسيكي ماله طرودي =أبيضٍ في البيت الأبيض فارقينه
يرفعنّه نايماتٍ بالعمودي =والهوى والنار يرخنّ المكينه
يوم مرّ خريص مع عرق النفودي= قاومه صوت القيامه في المدينة[/poem]


[align=center]قصيدة : يلعب دركسونه[/align]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الا يا نديبي فوق من ينطح التهريب =ليا عدّ ميّه قام يلعب دركسونه
أببعد عن الشرطة وأفارق جنود الذيب=لدارٍ يبيدن الونيتات من دونه
وياحن قلبي حن فرت بعد توضيب =تحت خارجيٍ ماطفت نار غليونه[/poem]


[align=center]قصيدة : مفجرات السراعه[/align]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يا اهل الونيت اللي يشق الدهو شقّ =يصفر صفير مفجرات السراعه
أمّا اركبوني يالنشاما بلا حق =والا أوصلوا مرزوق منّي وداعه[/poem]

[align=center]
ويذكر ان قصيدته هذه التي قالها في الشيخ زايد , غناها المطرب الاماراتي عيضة المنهالي كأغنية وطنية
يقول بندر بن سرور:- [/align]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
بديت بذكر اللي بسط سبع بأوتـــاد=واللي رفع سبع بليـــا عمدها
وانكار للي صار غيث للاجــواد=لا قبلها صــــارت ولا من بعدهــــا
زايد على كل العرب بالوفــــــا زاد=زاد المراجل لين وقف عددهـــا
هالحين حلـوٍ مر زراع حصــاد=كبـد يداويهــا وكبد لهدهـــــــــــــا
حتى العجــوز اللي ورا شط بغــداد=سمت على الشبل فلاح ولدهــا
تبغــاه يطلع مثل زايــد ولا فاد=لاكل من هاز الطــويلة صعدهــــــا
ياشيخ انا جيتك على غير ميعاد=من خوف روحي لا يجيها وعدها[/poem]



[align=center]واتمنى اني اكون وفقت في نقل هذه القصائد
واللي عنده قصائد للشاعر بندر ليست موجوده
في هالموضوه ياليت يفيدنا فيها... وشكراً.
وتقبلو تحياتي[/align]