سلامتك عقب السفـر لا تعبتـي

[محمد العتيبي]

[poem=font="Simplified Arabic,4,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
غبتي ولا تدرين عني وانا غبـت= الله لو تدرين مـن يـوم غبتـي
مرضت من هاك الليالي ولاطبـت= ليتك من القلب الحزيـن اقتربتـي
عز الله اني في غرامـك تعذبـت= وانتي على ماصار لي ما حسبتـي
ياليتني من قبل عرف الغلا تبـت= وانتي تهيالـك نصيبـك وتبتـي
لكن خطاي وغلطتي يـوم جربـت= وانتي معـي بالتجربـة وانكبتـي
انتي سبب ماكـان وانـا تسببـت= نشبت في دنياك وانتـي نشبتـي
واليوم ياحضرة من اغليت واحببت= بالله من وصل الغلا وش وهبتـي
انا ليـا قلتـي تجـي ماتهربـت= وانتي ليامني زهمـت انسحبتـي
انا على نارن على جمرهـا ذبـت= وانتي فرحتي بالصـدود ورغبتـي
لجلك كتبت الشعر بالحبر واسهبت= وانتي على قلبـي بدمـي كتبتـي
مات الرهين بعالم الحزن والكبـت= وانتي يجيك من الغـلا ماطلبتـي
لاتسألين ولا تقوليـن وش جبـت= سلامتك عقب السفـر لا تعبتـي
فكرت في دنيـا الغـرام وتعجبـت= يامن ملكتي مهجتـي و غتربتـي[/poem]
[align=center]الشاعر / جوهر الحربي[/align]