سر ياقلم وأكتب على ماتورا ( الإمام تركي بن عبدالله )

[بدر الروقي]

[align=center]السلام عليكم ورحمة الله وبركاته



ياليل سلم لي[/align]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
طار الكرى عن موق عيني وفـرا=فزيت مـن نومي طرالي طوارىِ
وابديت من جاش الحشى ما تدرى=واسهرت من حولي بكثر الهذاري
خطٍ لفانـي زاد قلبي بـحـرا=من شاكيٍ ظيم النبا والعذاري
سر يا قلم واكتب على ما تورا=أزكى سلامي لابن عمي مشاري
ياما سهرنا حاكمٍ ما يطرا=واليوم دنياُ ضاع فيها افتكاري
أشكى لمن يبكى له الجود حرا=حرٍ بهامات العدا ما يداري
يا حيف يا خطو الشجاع المضرا=في مصر مملوك لحمر الـعتاري
من زادٍ غادٍ له سنامٍ وسرا=مثل الذي شبعان من العز عاري
وش عاد لو تلبس حريرٍ يجرا=ومتوجٍ تاج الذهب بالزراري
يا صاحبي دنياك هاذي مـغـرا=لا خير في دنيا حلاها مـراري
تسقيك حلـوٍ ثم تسقيك مرا=لذاتها بين البرايا عواري
اكفخ بجنحان السعد لا تـدرا=فالعمر ما ياقـاه كثر المداري
ما في يد المـخلوق نفعِ وضـرا=ما قدر الباري على العبد جاري
واسلم وسلم لـي على من تورا=واذكر لهم حالي وما كان جاري
أن سايلوا عني فحالي تسرا=قبقب اشراع العز لو كنت داري
يوم أن كلٍ من عميله تبرا=حطيت الأجرب لي عميلٍ أمباري
رميت عنـي بـرقع الذل برا=ولا خير فيمن لا يدوس الصحاري
قل للصديق إلى صطا ثم جرا=يـودع مناعير النشاما حباري
منيامن الجاني كفى ما تحرا=فازٍ حريمه بالقرايا وقاري
واجهدت في طلب العلا لين قرا=وغاب الكرى مع لابسات الخزاري
من غاص غبات البحر جاب درا=يحمل مصابيج السرى كل ساري
وأنا احمد إلى جاب لي ما تحرا=واذهب غبار الذل عني وطاري
والعمر ما يزداد مثقال ذرا=عمر الفتى والرزق في كف باري
وصلاة ربي عد ماخط يقرا=على النبي ما طاف بالبيت عاري[/poem]


[align=center]الإمام تركي بن عبدالله [/align]