ضيف عتيبه وأول قصيده

[ضيف عتيبه]

[poem=font="Simplified Arabic,4,black,normal,normal" bkcolor="transparent" bkimage="../backgrounds/8.gif" border="none,4,gray" type=1 line=0 align=center use=ex num="0,black"]
أيقول خالد بعد طول الصيامي =عن ذكر ظبي مثل بدر التماما
لاواعذاب ألي بحبه استهامي = ما توبة عن وصل مثله تراما
مرت ثلاث أسنين واربع صرامي= وانا أتجلد واحتمــل هم داما
لاقلت انا ينفس هذا حرامي =ولا احتمل يانفس انا زود آثاما
والدين ماغيره لمثلك أعصامي =ضاقت من الهجران والانكتاما
اليا ذكرته بين ربعٍ حشامي =فز الخفوق وغاب عقلي وهاما
وكان قلبي راسي ما يضامي =يوم الشدايد والنوازل أعظاما
واليوم قلبي داله بالمرامي =انا اشهد ان الحب صعب المراما
قالوا بديوي ما يعرف الغرامي= وشبه علامه مايذوق المنــاما
لو شافوا المزيون زين المقامي =لعطوه حقـه فالحكــم والزعاما
وانقادة العربان طوع اورغامي =وهدوه درعٍ فالسياسة وساما
نظرة أعيونه مثل سل ألحسامي =يقصي جيوش أهل المودة انهزاما
يمشي مع أخوانه بزود احتشامي =وليا انتحى عنهم عليه ازدحاما
يفتن رزين العقل عقله أعصامي =عن الزلل وألا دروب الحراما
وليا بغا يذبح اقليب الهمامي =ايصد ويبدي عن اسيل وشاما
أنا هويته قبل حط أللثامي =دوبه نهيده مثل بيض الحماما
اجتاز أنا ربعه وقومه قيـامي =اهديه نظره من بليغ الكلاما
ألقى جوابه من وراهم ملامي =ثم الرضا ثم الوعد وابتساما
وليا لقيته قبل رد السلامي =ضمٍ وتقبيلٍ وطـول التحاما
ينثر شعر كنه سواد الظلامي =كيف ألعشيه تجتمع بالظلاما
اونورخده مثل بدر التمامي =وذاك اللثام أتقل بعض الغماما
اغن صوته كن لفظه سهامي =تسمع لسامع شهقةٍ وارتطاما
وحمرة المبسم لون المدامي =والجيد كنه جيد بعض الآراما
ياما رشفته ريق ثغره ودامي =طعمه وكنه صافي الشهد ياما
واقول له مهما شربت انا ظامي =من حالي المبسم وروحي عداما
ولي بين نحره والنهود التزامي= فيها الدفا والريح ريح الخزاما
ولا انسى قوله ياحبيبي علامي =مشبع من التقبيل لو طول عاما
ولا التعجل منه والقول حامي =تكفى بعدنا عن جميع الاناما
اسمع منادي اهلها والكلامي =ماقل مني مقدره واعتزاما
والله لو ان للقصايد ذمامي =كانت لوصفه كلها بانتظاما
كن القوافي لوصف مثله اتهامي=سلام ما يلقى شبيهـه سلامـا
[/poem]